У Баранавічах 68‑гадовая пенсіянерка вырошчвала каноплі і піла з іх гарбату. Колькі далі?
Пенсіянерка расказала следчым, што вырошчвала і нарыхтоўвала забароненую расліну для гарбаты, у якасці «лекавага сродку». Рэцэпт яна знайшла ў інтэрнэце.
Інфармацыя пра тое, што жанчына вырошчвае забароненыя расліны, паступіла ў міліцыю ў верасні. Падчас агляду пляцу і дома следчыя знайшлі 7 кустоў канопляў (агульная маса — амаль 3 кг марыхуаны), больш за 800 грамаў высушанай расліннай масы ў скрынях і мяшэчках.
Пенсіянерка цалкам прызнала сваю віну і раскаялася. Яна патлумачыла, што знайшла ў інтэрнэце рэцэпт гарбаты з канопляў і выкарыстоўвала іх як лекі, каб палепшыць самаадчуванне праз узрост.
Пры гэтым жанчына разумела наркатычныя ўласцівасці расліны і ведала пра крымінальную адказнасць, але, паводле ейных слоў, не надавала гэтаму значэння.
Суд Баранавіцкага раёна і горада Баранавічы прызнаў яе вінаватай у незаконным захаванні наркатычных сродкаў без мэты збыту і прызначыў пакаранне ў выглядзе абмежавання волі на тэрмін 3 гады і 6 месяцаў без накіравання ў папраўчую ўстанову адкрытага тыпу (так званая «хатняя хімія»).
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары
Трэба ёй яшчэ пра атрутныя ррасліны задумацца.