У Вялікім Егіпецкім музеі на вачах наведвальнікаў збіраюць карабель фараона Хеопса
У Вялікім Егіпецкім музеі перад наведвальнікамі збіраюць кедравы карабель, які належаў фараону Хеопсу (Хуфу). Гэта адзін з двух знойдзеных караблёў гэтага егіпецкага цара, паведамляе Associated Press.
Рэстаўратар музея Іса Зейдан паведаміў, што зборка 42‑метровага карабля з 1650 драўляных частак зойме каля чатырох гадоў. Хуфу кіраваў Егіптам больш за 4500 гадоў таму і пабудаваў Вялікую піраміду ў Гізе.
Міністр турызму і старажытнасцяў Егіпта Шэрыф Фатхі адзначыў, што наведвальнікі становяцца сведкамі аднаго з найважнейшых рэстаўрацыйных праектаў XXI стагоддзя. Карабель быў знойдзены ў 1954 годзе каля паўднёвага боку Вялікай піраміды, а раскопкі яго драўляных частак пачаліся ў 2014 годзе.
Тым часам дакладнае прызначэнне караблёў невядомае: эксперты лічаць, што іх маглі выкарыстоўваць для транспартавання цела фараона падчас пахавання або для яго загробнага шляху з богам сонца Ра.
Вялікі Егіпецкі музей адкрыўся побач з пірамідамі Гізы 1 лістапада 2025 года. Пра будаўніцтва комплексу было абвешчана яшчэ ў 1992 годзе, але рэальныя работы пачаліся толькі ў 2005 годзе, а некаторыя часткі музея адкрылі толькі летась.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары