Перамовы паміж прэзідэнтам ЗША Дональдам Трампам і прэзідэнтам Украіны Уладзімірам Зяленскім цяпер праходзяць у значна больш шырокім складзе з боку ЗША, чым раней. Калі на папярэдніх этапах дыялог вялі пераважна зяць Трампа Джарэд Кушнер і спецпрадстаўнік Трампа Стыў Уіткаф, то цяпер да іх далучыліся ключавыя прадстаўнікі амерыканскай улады.
Акрамя самога Трампа, Кушнера і Уіткафа, у перамовах гэтым разам удзельнічаюць кіраўнік Дзярждэпартамента Марка Рубіё, міністр абароны Піт Хегсет, а таксама старшыня Аб’яднанага камітэта начальнікаў штабоў ЗША Дэн Кейн. Гэта сведчыць пра тое, што сустрэча мае больш афіцыйны і стратэгічны характар, чым звычайна.
Пры гэтым у перамовах гэтым разам не ўдзельнічае віцэ-прэзідэнт ЗША Джэй Дзі Вэнс. Раней, падчас лютаўскай сустрэчы Трампа з Зяленскім, якая скончылася скандалам, ён паводзіў сябе вельмі рэзка, абвінавачваючы ўкраінскага лідара ў непавазе да Злучаных Штатаў і асабіста да Трампа.
Закрытая частка сустрэчы Зяленскага і Трампа праходзіць за абедзенным сталом. Журналістаў Трамп папрасіў пакінуць залу ў даволі экстравагантным стылі:
«Ці не хочаце вы чаго-небудзь перакусіць у гэты час? Так ці не? Вы можаце адказаць? Так? Добра. Выведзіце іх на вуліцу. Скажыце шэф-кухару. Пачастуйце іх невялікай колькасцю ланча, добра? Дзякуй вам, прэса».
Пасля завяршэння перамоў абяцаюць сумесную прэс-канферэнцыю Трампа і Зяленскага.
Зяленскі і Трамп сустрэліся ў Фларыдзе для перамоў аб міры
Перад сустрэчай з Зяленскім Трамп пазваніў Пуціну
Сустрэчу Зяленскага і Трампа перанеслі на некалькі гадзін раней
Зяленскі назваў «чырвоныя лініі» Украіны ў мірных перамовах
Зяленскі дапусціў, што Трамп можа прыехаць ва Украіну для падтрымкі плана мірнага пагаднення
Памілаваныя 15 чалавек, сярод якіх 13 палітвязняў15
Каментары