У Слуцкім раёне чалавек загінуў пры сутыкненні легкавіка з грузавіком
Трагедыя здарылася 31 снежня каля 12:15 на аўтадарозе Р-43 «Крычаў — Бабруйск — Івацэвічы», на павароце да вёскі Нявязцы Слуцкага раёна.
31‑гадовы кіроўца аўтамабіля Honda Accord, які не меў права на кіраванне аўто, рухаўся ў бок Слуцка. Ён не прытрымліваўся бяспечнай дыстанцыі і ў выніку сутыкнуўся з цягачом MAZ з паўпрычэпам Kögel, які спыніўся на скрыжаванні. Грузавіком кіраваў 53‑гадовы вадзіцель, які збіраўся паварочваць налева.
У выніку ДТЗ 58‑гадовы пасажыр Honda загінуў на месцы, а кіроўца дастаўлены ў бальніцу.
Праводзіцца праверка па факце здарэння.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары