Лідарка венесуэльскай апазіцыі Марыя Карына Мачада заявіла, што хацела б падзяліць сваю Нобелеўскую прэмію міру з прэзідэнтам ЗША Дональдам Трампам. Яна адзначыла, што звяржэнне Нікаласа Мадура стала важным крокам для ўсяго чалавецтва, свабоды і павагі да чалавечай годнасці.
У інтэрв’ю Fox News Мачада падкрэсліла, што дзеянні ЗША, у тым ліку ваеннае ўмяшанне, адыгралі вырашальную ролю ў адхіленні Мадура ад улады. Паводле яе слоў, прэмія належыць усяму венесуэльскаму народу, а яна хацела б асабіста падзякаваць Трампу і падзяліць з ім гэту ўзнагароду.
Мачада атрымала Нобелеўскую прэмію міру 2025 года за самую значную за апошнія гады мірную спробу супрацьстаяць рэжыму Мадура. Яна прызналася, што не мела зносін з Трампам з моманту абвяшчэння вынікаў прэміі, хоць ён пазней і павіншаваў яе. Пры гэтым амерыканскія СМІ паведамлялі, што Трамп быў незадаволены тым, што Мачада не адмовілася ад прэміі на яго карысць.
Венесуэльская апазіцыянерка таксама паведаміла, што плануе як мага хутчэй вярнуцца ў Венесуэлу. Раней яна доўгі час хавалася пасля затрымання на антыўрадавым пратэсце ў Каракасе.
Нягледзячы на пераканаўчую перамогу Мачада на ўнутрыпартыйных выбарах апазіцыі, ёй забаранілі займаць дзяржаўныя пасады, таму на прэзідэнцкіх выбарах замест яе балатаваўся Эдмунда Гансалес. Паводле незалежных падлікаў, ён выйграў выбары, аднак уладамі пераможцам быў абвешчаны Мадура, што многія палічылі фальсіфікацыяй.
Тым часам у Венесуэле часовай выконаўцай абавязкаў прэзідэнта стала віцэ-прэзідэнтка пры Мадура Дэлсі Радрыгес. Яна заявіла пра гатоўнасць супрацоўнічаць з адміністрацыяй Трампа. У той жа дзень Мадура паўстаў перад судом у Нью-Ёрку, дзе яму выставілі абвінавачанні, у тым ліку ў наркатэрарызме і змове з мэтай паставак какаіну ў ЗША.
Трамп пра Мачада: У яе няма падтрымкі ўнутры краіны, хоць яна вельмі мілая жанчына
Нобелеўская лаўрэатка Марыя Карына Мачада: Мы гатовыя ўзяць уладу ў Венесуэле
Нобелеўская лаўрэатка Мачада змагла тайна дабрацца да Осла пасля некалькіх гадоў падполля
Лаўрэат Нобелеўскай прэміі міру Марыя Карына Мачада пахваліла Біньяміна Нетаньяху
Венесуэльская лаўрэатка Нобелеўскай прэміі міру прысвяціла яе свайму народу і Дональду Трампу
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й4
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары