Нобелеўская лаўрэатка Мачада змагла тайна дабрацца да Осла пасля некалькіх гадоў падполля
Прэмію за яе атрымлівала дачка, Марыя Карына не змагла прыбыць у час. Але па прыездзе яна выйшла на балкон гатэля і вітала людзей.
Лідарка венесуэльскай апазіцыі з’явілася ў сталіцы Нарвегіі пасля цырымоніі ўручэння Нобелеўскай прэміі міру, у якой замест яе ўдзельнічала яе дачка. Мачада памахала з балкона гатэля Grand Hotel пасля некалькіх гадоў, праведзеных у падполлі: апошні раз яна з’яўлялася на публіцы ў студзені, піша ВВС.
Яна здолела патаемна дабрацца да Нарвегіі, нягледзячы на забарону на выезд з Венесуэлы. Стоячы на балконе перад людзьмі, якія сабраліся, Мачада паклала руку на сэрца і спявала разам са сваімі прыхільнікамі, перш чым выйсці да іх асабіста.
Яе дачка, Ана Карына Соса, атрымала ўзнагароду ад імя маці раней у сераду.
Нобелеўскі інстытут прысудзіў Мачада прэмію міру сёлета «за барацьбу за справядлівы і мірны пераход ад дыктатуры да дэмакратыі» ў Венесуэле.
Пасля гэтага Мачада выйшла на вуліцу, каб павітаць сваіх прыхільнікаў, якія чакалі за агароджамі. У пэўны момант лаўрэатка пералезла праз агароджу, каб далучыцца да іх.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары