ЗША захапілі яшчэ адзін танкер ценявога флоту. Гэта ўжо другое затрыманае судна за апошнюю гадзіну
Паўднёвае камандаванне Узброеных сіл ЗША (SOUTHCOM) паведаміла пра захоп у Карыбскім моры танкера Sophia. Гэта другі падобны інцыдэнт цягам аднаго вечара пасля затрымання судна Marinera ў Паўночнай Атлантыцы.
Амерыканскія вайскоўцы апублікавалі кадры ўзяцця судна на абардаж. У афіцыйнай заяве гаворыцца, што танкер дзейнічаў у міжнародных водах і ажыццяўляў «незаконную дзейнасць». Танкер Sophia характарызуюць як «судна без грамадзянства», якое знаходзіцца пад санкцыямі.
Захоп адбыўся ў межах аперацыі «Паўднёвая дзіда» (Operation Southern Spear).
«Мы будзем абараняць нашу Радзіму і аднаўляць бяспеку і моц па ўсёй Амерыцы», — падкрэслілі ў Паўднёвым камандаванні ЗША.
Цяпер Берагавая ахова ЗША суправаджае танкер для далейшых працэдур утылізацыі ці канфіскацыі.
Дакладная прыналежнасць судна пакуль удакладняецца, аднак шэраг крыніц выказвае здагадкі, што яно, як і папярэдняе, можа быць звязана з Расіяй. Калі інтарэсы Расіі пацвердзяцца, гэта будзе азначаць маштабную эскалацыю сілавога супрацьстаяння на моры і паляванне на так званы ценявы флот.
Нагадаем, крыху раней стала вядома пра высадку амерыканскага дэсанта на танкер Marinera (Bella 1), які спрабаваў схавацца пад расійскім сцягам. У МЗС Расіі раней заяўлялі, што пільная ўвага ЗША і НАТА да такіх суднаў «несуразмерная іх статусу».
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары