У Мінску дзяўчына паказала, як ездзіць у краму на сноўбордзе ВІДЭА
Цыклон «Улі» насыпаў у Беларусі столькі снегу, што жыхарам нічога не застаецца, як толькі выкарыстоўваць сітуацыю для забаў, не выбіраючыся адмыслова для гэтага ў горы.
Адна з карыстальніц сацсеткі Threads паказала, як, скарыстаўшыся з таго, што мінская вуліца мае невялікі схіл, можна даволі доўгую дыстанцыю праехаць на сноўбордзе.
«Я знайшла найлепшы варыянт, як дабірацца па хлеб», — пажартавала яна.
Адзін з каментатараў паказаў у адказ «крыху палепшаны» варыянт, дзе сноўборд з гаспадаром цягне, нібыта ва ўмовах Крайняй Поўначы, запрэжаны сабака.
Увогуле каментатары сустрэлі відэа пазітывам і жартамі, адно што толькі цікавіліся, як пасля дабірацца назад. Зрэшты, у гэтым не было арыгінальнасці — былі варыянты толькі «ножкамі» ці, як у выпадку самой гэтай дзяўчыны: «Муж унізе забраў на машыне (таксама свайго кшталту пад'ёмнік)».
Праўда, сярод суцэльнага пазітыву пракідаліся і раздражнёныя каментарыі:
«Божа, толькі ад самакатчыкаў пазбавіліся, а тут яшчэ і гэтыя павылазілі. Пабачу хоць бы праз дарогу — выклічу міліцыю».
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары