Еўропа абмяркоўвае размяшчэнне войск НАТА ў Грэнландыі — каб Трамп перадумаў завалодваць востравам
Ёсць розныя варыянты, як гэта аперацыя можа выглядаць.
Вялікабрытая вядзе перамовы з еўрапейскімі саюзнікамі наконт размяшчэння вайсковага кантынгенту ў Грэнландыі, паведамляе The Telegraph.
Планы могуць уключаць накіраванне брытанскіх салдат, ваенных караблёў і самалётаў для абароны Грэнландыі ад Расіі і Кітая. Еўрапейскія краіны спадзяюцца, што значнае ўзмацненне іх прысутнасці ў Арктыцы пераканае Дональда Трампа адмовіцца ад яго амбіцый анексаваць гэты стратэгічны востраў.
Трамп выказваў занепакоенасць тым, што Масква ці Пекін захопяць востраў, калі ён гэтага не зробіць.
Крыніцы выдання ва ўрадзе паведамілі, што Кір Стармер паставіўся да пагрозы з боку Расіі і Кітая ў гэтым рэгіёне «надзвычай сур'ёзна» і пагадзіўся, што неабходна прымаць меры.
Чым так важная Грэнландыя? Тут знаходзяцца адны з найбуйнейшых у свеце радовішчаў рэдказямельных элементаў. Плюс стратэгічнае размяшчэнне паміж ЗША і Расіяй для супрацьракетнай абароны. ЗША гэта дапамагло б супрацьстаяць росту ўплыву Кітая ў Арктыцы. Тут таксама размешчана касмічная база Пітуфік, самая паўночная вайсковая застава Пентагона.
Еўрапейскія краіны спадзяюцца адвесці Трампа ад ідэі захопу, прапанаваўшы размясціць на востраве вайсковы кантынгент. Гэтая ідэя абмяркоўвалася на сустрэчы саюзнікаў па НАТА ў Бруселі ў чацвер.
Крыніцы паведамілі The Telegraph, што патэнцыйная аперацыя знаходзіцца на ранніх стадыях планавання. Гэта можа быць паўнавартаснае разгортванне войскаў або камбінацыя абмежаваных па часе вучэнняў, абмену разведданымі, развіцця патэнцыялу і пераразмеркавання абаронных выдаткаў. Любая аперацыя, хутчэй за за ўсё, будзе праводзіцца пад сцягам НАТА і будзе аддзеленая ад існуючых місій у Прыбалтыцы і Польшчы.
The Telegraph таксама стала вядома, што Еўрапейскі Саюз распрацоўвае планы санкцый супраць амерыканскіх кампаній на выпадак, калі Трамп адхіліць прапанову аб разгортванні сіл НАТА. Тэхналагічным гігантам, такім як Meta, Google, Microsoft і X, можа быць абмежавана дзейнасць на кантыненце, гэтак жа як і амерыканскім банкам і фінансавым фірмам. Больш экстрэмальным варыянтам можа стаць выправаджэнне амерыканскіх вайскоўцаў з іх баз у Еўропе, што пазбавіць ЗША ключавога плацдарма для аперацый на Блізкім Усходзе і ў іншых рэгіёнах.
Грэнландцы адзіным фронтам выступілі супраць прэтэнзій Дональда Трампа
Трамп: ЗША павінны валодаць Грэнландыяй, каб не дапусціць яе захопу Расіяй і Кітаем
Трамп можа даць кожнаму жыхару Грэнландыі па 100 тысяч даляраў за далучэнне да ЗША
«Мне не патрэбна міжнароднае права — у мяне няма намеру прычыняць людзям шкоду». Трамп патлумачыў, навошта яму Грэнландыя
Беларусы сустракаюць вызваленых палітвязняў у Вільні ФОТЫ і ВІДЭА3
Каментары
Цяпер ужо вывальваецца і з NATO.
Каб Трамп не напаў на Еўропу з тылу, а ніхто не ведае ці існуе "пакт Пуціна-Трампа", Еўропа вымушаная бараніцца войскамі NATO ад ЗША.
(нікога нікуды яны не пашлюць)