«Мне не патрэбна міжнароднае права — у мяне няма намеру прычыняць людзям шкоду». Трамп патлумачыў, навошта яму Грэнландыя
Прэзідэнт ЗША Дональд Трамп правёў чатырохгадзіннае інтэрв’ю з чатырма журналістамі газеты New York Times, якая традыцыйна ставіцца да яго крытычна.
Падчас размовы ён зноў зрабіў шэраг заяў па пытаннях знешняй і ўнутранай палітыкі, піша Bild.
Новы сусветны парадак. На пытанне пра магчымыя абмежаванні яго ваеннай, эканамічнай і палітычнай улады Трамп адказаў:
«Так, ёсць адна рэч — мая ўласная мараль. Мая ўласная галава. Гэта адзінае, што можа мяне спыніць. Мне не патрэбна міжнароднае права, у мяне няма намеру прычыняць людзям шкоду».
Журналісты ўдакладнілі, ці азначае гэта, што яго адміністрацыя не абавязана выконваць міжнародныя законы. Трамп адказаў:
«Я іх выконваю. Гэта залежыць ад таго, што вы разумееце пад міжнародным правам».
НАТА ці Грэнландыя? На пытанне, што для яго важней, Трамп не даў прамога адказу, але прызнаў, што гэта «магчыма, выбар або—або». Ён таксама заявіў, што без удзелу ЗША НАТА, на яго думку, у значнай ступені страчвае сэнс.
Пра Еўропу:
«Я быў вельмі лаяльны ў адносінах да Еўропы. Я добра справіўся са сваёй задачай. Калі б не я, Расія цяпер кантралявала б усю Украіну», — сказаў Трамп.
Чаму Трампу патрэбна Грэнландыя:
«Таму што я лічу, што гэта псіхалагічна неабходна для поспеху. Я думаю, што валоданне дае магчымасці, якіх нельга дасягнуць з дапамогай арэнды або дамовы. Уласнасць дае перавагі, якіх не атрымаеш, проста падпісаўшы дакумент».
Стаўленне да выбараў:
Трамп заявіў, што ён «заўсёды» паважае вынікі выбараў, за выключэннем выпадкаў, калі яны «сфальсіфікаваныя» і «несумленныя».
Пра карупцыю:
Трамп сказаў, што не бачыць праблемы ў тым, што члены яго сям’і вядуць бізнес за мяжой.
«Падчас майго першага тэрміну я забараніў ім займацца бізнесам, і за гэта я не атрымаў абсалютна ніякага прызнання», — адзначыў ён.
Гонка штучнага інтэлекту:
«Той, хто выйграе вайну ў сферы штучнага інтэлекту, будзе кіраваць светам», — заявіў Трамп. Ён таксама сказаў, што ШІ створыць «вялізную колькасць працоўных месцаў», але людзей для іх выканання можа не хапіць, таму «прыйдзецца задзейнічаць робатаў».
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай11
Каментары