«Галава выбухала знутры». Белы дом распаўсюдзіў сведчанні аб выкарыстанні сакрэтнай зброі пры захопе Мадура
Прэс-сакратар Белага дома Кэралайн Левіт прыцягнула ўвагу сусветнай супольнасці да дэталяў аперацыі па захопе венесуэльскага лідара Нікаласа Мадура. Яна распаўсюдзіла інтэрв'ю з відавочцам — ахоўнікам базы ў Каракасе, які сцвярджае, што амерыканскі спецназ прымяніў невядомую раней зброю.
Паводле слоў ананімнага сведкі, аперацыя спецпадраздзялення «Дэльта» выглядала як сцэнарый навукова-фантастычнага фільма.
Перад пачаткам атакі на базе раптоўна адключыліся ўсе радары і сістэмы сачэння. У небе з’явіліся роі дронаў і ўсяго восем верталётаў, з якіх дэсантаваліся каля 20 байцоў.
Ахоўнік апісаў дзеянні спецназа як «масакру»: 20 чалавек нібыта ліквідавалі сотні венесуэльскіх сілавікоў без страт са свайго боку.
Самым рэзанансным стала апісанне прымянення таямнічай тэхналогіі, якая паралізавала абаронцаў базы.
«Гэта было падобна на вельмі інтэнсіўную гукавую хвалю. Раптам я адчуў, нібы мая галава выбухае знутры. У нас усіх пайшла кроў з носа. Некаторых ванітавала крывёй. Мы ўпалі на зямлю і не маглі нават устаць», — распавёў відавочца.
3 студзеня спецназ ЗША па загадзе Дональда Трампа захапіў Мадура ў Каракасе і вывез яго ў Нью-Ёрк для суда.
Афіцыйны Пентагон пакуль устрымліваецца ад каментароў, а прадстаўніца Белага дома не ўдакладніла, ці з'яўляецца яе рэпост афіцыйным прызнаннем існавання гэтай зброі.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі14
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары