31 снежня скончыліся «Вельмі дзіўныя справы» (Stranger Things) — культавы серыял ад Netflix расцягнуўся на дзевяць гадоў. Пры гэтым не сціхаюць жарсці наконт апошняга сезона праекта. А некаторыя фанаты чакаюць «сапраўднага» фінала.
Абурэнне фанатаў звязанае з дакументалкай пад назвай One Last Adventure: The Making of Stranger Things 5. Двухгадзінны фільм пра тое, як здымалі апошні сезон серыяла, выйшаў на Netflix 12 студзеня.
Кадры з той дакументалкі разляцеліся па сацсетках. На адным з іх бачны наўтбук у пакоі сцэнарыстаў, і пільныя фанаты ўгледзелі на ім ўкладкі з адкрытым ChatGPT і з сацсеткай Reddit. Гэта выклікала чуткі пра тое, што сцэнар пісалі не самастойна — маўляў, недзе дапамагаў ChatGPT, а недзе і арыентаваліся на ідэі карыстальнікаў Reddit, калі не капіравалі іх. Адзначым, што доказаў гэтага няма.
Яшчэ адна навіна з дакументалкі: здымкі апошняга сезона пачаліся яшчэ да таго, як стала зразумела, як мусіць скончыцца серыял. Больш за тое, рашэнне пра канцоўку прынялі пасля таго, як знялі некаторыя сцэны з апошняй серыі.
Дзіўныя кадры з дакументалкі — далёка не першая прэтэнзія гледачоў да серыяла. Апошняя серыя настолькі ім не спадабалася, што фанаты палічылі яе фальшывай і чакалі выхаду «сапраўднага» фінальнага эпізода.
«Наша Нiва» — бастыён беларушчыны
ПАДТРЫМАЦЬВыходзіць фінал культавага серыяла «Вельмі дзіўныя справы». Гледачы абрынулі Netflix
Netflix расказаў пра неверагодны поспех серыяла «Вельмі дзіўныя справы». Серыял уплывае на ўсе сферы жыцця
Акцёр папулярнага серыяла «Вельмі дзіўныя справы» паўтара года не прызнаваўся пра здымкі. Казаў, што грае ў дакументалцы пра маянэз
Цяпер чытаюць
Мінчук забіў маці і цесця, а пасля 15 гадоў атрымліваў за іх пенсію1
Каментары
Не хочаце/не можаце напісаць пра ГАЛОЎНУЮ прычыну абурэння да апошняга сезону?