13 студзеня ў Алматы пачало працу Генеральнае консульства Беларусі. Афіцыйны старт яго дзейнасці адбыўся пасля таго, як кіраўнік прадстаўніцтва МЗС Казахстана ў Алматы Жанібек Абдрашаў уручыў экзекватуру генеральнаму консулу Беларусі Дзянісу Мялешкіну.
Падчас сустрэчы бакі падкрэслілі значэнне далейшага супрацоўніцтва паміж дзвюма краінамі, у тым ліку ў гандлёва-эканамічнай, інвестыцыйнай і культурна-сацыяльнай сферах.
Паводле першапачатковых планаў, генконсульства павінна было адкрыцца да 1 студзеня 2026 года. Фінансаванне яго адкрыцця і дзейнасці забяспечваецца за кошт сродкаў, прадугледжаных у рэспубліканскім бюджэце для Міністэрства замежных спраў.
Беларусь і Казахстан падтрымліваюць дыпламатычныя адносіны з 1992 года, у сталіцах абедзвюх дзяржаў працуюць амбасады. Раней, да 2018 года, у Алматы ўжо функцыянавала аддзяленне беларускай амбасады, аднак яно было закрыта ў межах аптымізацыі структуры МЗС.
Алматы — найбуйнейшы горад Казахстана і былая сталіца краіны. Тут жывуць больш за два мільёны чалавек, што робіць яго важным палітычным, эканамічным і культурным цэнтрам дзяржавы.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары