«Ігар Брыло сядзеў у камеры без туалета. Падчас следства ён «укінуў» па хабарах больш за 50 чалавек»
Блогер і былы палітзняволены Ігар Лосік расказаў у сваім тэлеграм-канале, што былы міністр сельскай гаспадаркі і інспектар Віцебскай вобласці Ігар Брыло моцна схуднеў за час знаходжання ў «амерыканцы» (СІЗА КДБ).
«Прычым яму быў створаны асаблівы рэжым: у яго больш за год не было нават нараў, ён спаў на падлозе на дошках, якія яму выдалі. У камеры без туалета. І гэта нягледзячы на тое, што падчас следства яму далі тэлефон і ён «укінуў» па хабарах больш за 50 чалавек. Але назваў такія прозвішчы высокіх чыноўнікаў, якія, відаць, нельга было называць, за гэта і пацярпеў», — напісаў Лосік.
Нагадаем, Ігар Брыло быў затрыманы ў лістападзе 2023 года па «малочнай справе». Па ёй судзяць 18 чалавек (у тым ліку кіраўніка «Бабулінай крынкі» Генадзя Скітова). Іх абвінавачваюць па 12 крымінальных артыкулах. «Наша Ніва» раней пісала, што Брыло даваў паказанні на сябе і іншых.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс13
Каментары