Сын кіраўніка Чачні Рамзана Кадырава Адам трапіў у ДТЗ, пасля якога быў шпіталізаваны ў цяжкім стане і без прытомнасці, паведамілі чачэнскі апазіцыйны тэлеґрам-канал Niyso і выданне «Кавказ.Реалии».
Як паведамляецца, Адам Кадыраў знаходзіцца ў рэспубліканскай бальніцы ў Грозным. Цяпер яго, як сцвярджае Niyso, рэанімуюць і рыхтуюць да перавозкі ў Маскву.
Паводле даных крыніц, картэж Кадырава-малодшага рухаўся на вялікай хуткасці, у ДТЗ удзельнічалі некалькі аўтамабіляў, пацярпелі некалькі чалавек. Пасля аварыі Грозны быў часткова перакрыты.
Адаму Кадыраву ўсяго 18 гадоў, але ён даўно вядомая асоба як у Чачні, так і за яе межамі.
У верасні 2023 года Рамзан Кадыраў апублікаваў відэа, на якім тады 15‑гадовы Адам збівае ў СІЗА Мікіту Жураўля, абвінавачанага ў справе пра спальванне Карана. Тады кіраўнік Чачні заявіў, што ганарыцца сынам.
Пасля гэтага Адаму Кадыраву сталі прысвойваць розныя ўзнагароды, а да таго ж, нягледзячы на зусім малады ўзрост, ён заняў у Чачні некалькі высокіх пасад. Сярод іншага ён сакратар Рады бяспекі Чачні і куратар рэспубліканскага МУС.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»32
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары