Ён зменіць на гэтай пасадзе Аляксандра Рагожніка, якога днямі паставілі кіраваць Віцебскай вобласцю.
Міністр фінансаў Юрый Селіверстаў прызначаны паслом у Расіі.
Юрый Селіверстаў нарадзіўся ў 1978 годзе ў Мінску, скончыў БДЭУ (2002), Акадэмію кіравання (2009).
З 2002 года працаваў на розных пасадах у Міністэрстве фінансаў, у 2012—2015 гадах — начальнікам Галоўнага ўпраўлення бюджэтнай палітыкі Мінфіна, у 2015—2018 гадах — намеснікам міністра фінансаў, з верасня 2018 года першым намеснікам міністра фінансаў. 4 чэрвеня 2020 года быў прызначаны міністрам фінансаў ва ўрадзе Рамана Галоўчанкі. Ён змяніў на гэтай пасадзе Максіма Ермаловіча.
Аляксандр Лукашэнка расказаў, што кіраўнік Адміністрацыі Дзмітрый Круты ахарактарызаваў Селіверстава як чалавека жорсткага, напорыстага, у добрым сэнсе слова непаседу, гатовага «матацца па краіне, суседніх і іншых краінах».
«Я падумаў: а чаму б такому чалавеку не папрацаваць у Расіі, дзе неабходна бываць у рэгіёнах, працаваць, супрацоўнічаць з расійскімі рэгіёнамі, трымаць пад кантролем асноўныя напрамкі нашай дзейнасці ў Расійскай Федэрацыі. І перш за ўсё ў гандлі, — адзначыў Лукашэнка. — Вы цалкам уцягнутыя ў гэтыя праблемы. Ведаеце асноўныя пытанні, якія ў нас ёсць у беларуска-расійскіх адносінах. Я прыйшоў да высновы, што з усіх кандыдатур, якія прапаноўваліся, напэўна, вы падыходзіце для працы ў Расіі».
«Мы часта гаворым, што пасольства ў Расіі — гэта не проста пасольства. Гэта другі ўрад. Бо гэта наш асноўны рынак, дзе мы прадаём сваю прадукцыю. І гэта асноўная краіна, якая інвесціруе ў нас, заўсёды нам дапамагае. Гэта наша Расія. Таму абы-каго туды не пашлеш. І ўзровень павінен быць адпаведны, і веды, і жаданне працаваць. Таму мы спыніліся на вашай кандыдатуры», — дадаў Лукашэнка.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары