На трохбаковай сустрэчы ў Абу-Дабі сёння будзе абмяркоўвацца пытанне тэрыторый
ЗША блізкія да пагаднення з Украінай па мірным плане, але пакуль не дасягнулі відавочнага поспеху ў прыцягненні расійскага прэзідэнта Уладзіміра Пуціна да ўдзелу ў працэсе, хаця ён і не адхіліў яго цалкам, каментуе начныя перамовы ў Крамлі з прадстаўнікамі прэзідэнта ЗША выданне Axios.
Па словах крыніц выдання, асноўным пытаннем, якое будзе абмяркоўвацца на трохбаковай сустрэчы ў Абу-Дабі, стане тэрытарыяльны кантроль на ўсходзе Украіны.
У сталіцы Аб'яднаных Арабскіх Эміратаў сёння адбудзецца першае паседжанне трохбаковай рабочай групы па пытаннях бяспекі з удзелам прадстаўнікоў Расіі, Украіны і ЗША, пацвердзілі ў Крамлі.
Уночы дарадца прэзідэнта Расіі Юрый Ушакоў заявіў журналістам, што Крэмль настойвае на тэрытарыяльных саступках, пра якія ішла гаворка на жнівеньскай сустрэчы Пуціна і Дональда Трампа на Алясцы.
«Галоўнае, што ў ходзе гэтых перамоваў нашага прэзідэнта з амерыканцамі было зноў канстатавана, што без вырашэння тэрытарыяльнага пытання па ўзгодненай у Анкорыджы формуле разлічваць на дасягненне доўгатэрміновага ўрэгулявання не варта. Пакуль гэтага няма — Расія працягне паслядоўна дамагацца пастаўленых перад спецыяльнай ваеннай аперацыяй мэт менавіта на полі бою», — сказаў Ушакоў.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя12
Каментары