Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў
Ціханоўская падзякавала Зяленскаму за ягоную падтрымку дэмакратычнай Беларусі і за тое, што прынялі групу вызваленых палітвязняў.
У Вільні вечарам 25 студзеня прэзідэнт Украіны Уладзімір Зяленскі правёў сустрэчу са Святланай Ціханоўскай.
Ціханоўская ад імя беларусаў выказала поўную падтрымку ўкраінскаму народу, які змагаецца за свабоду і адзначыла выключнае асабістае лідарства прэзідэнта Зяленскага, і падзякавала за моцную прамову на цырымоніі ўшанавання паўстанцаў 1863 году, паведаміла прэс-служба Ціханоўскай.
@nashaniva Ціханоўская і Зяленскі ўпершыню правялі сустрэчу. Украінскі прэзідэнт запрасіў дэмакратычную лідарку наведаць Кіеў! #минсксейчас #беларусьсейчас #светланатихановская #тихановская #зеленский ♬ Manifestation - Perfect, so dystopian
Ціханоўская таксама падзякавала Зяленскаму за ягоную падтрымку дэмакратычнай Беларусі і за тое, што кіраўніцтва Украіны раздзяляе беларусаў і рэжым. Ціханоўская асобна згадала беларускіх добраахвотнікаў, валанцёраў, а таксама партызанаў, незаконна асуджаных за салідарнасць і падтрымку Украіны, а таксама беларусаў ва Украіне. Беларуская лідарка таксама асобна звярнула ўвагу на лёс палонных беларускіх добраахвотнікаў.
Падзякавала яна і за тое, што прынялі апошнюю групу вызваленых палітвязняў. Бакі абмеркавалі працэс вызваленняў, наступныя крокі і гатоўнасць Украіны аказваць падтрымку падобнага кшталту надалей.
Ціханоўская прапанавала прызначыць спецпасланніка па Беларусі, гэтак жа як гэта зрабілі шматлікія іншыя дэмакратычныя краіны. А таксама больш шчыльную супрацу з Місіяй дэмакратычных сілаў у Кіеве.
Таксама абмеркавалі візіт Ціханоўскай ва Украіну: Зяленскі запрасіў Ціханоўскую наведаць Кіеў.
Ціханоўская і Зяленскі таксама абмеркавалі санкцыйную палітыку, супольную стратэгію з еўрапейскімі і амерыканскімі партнёрамі, прыцягненне да адказнасці Лукашэнкі і памагатых рэжыму, у тым ліку — за вываз украінскіх дзяцей.
Ціханоўская падкрэсліла, што лёсы вольнай Беларусі і Украіны ўзаемазвязаныя, і што дэмсілы будуць радыя яшчэ больш шчыльнаму супрацоўніцтву з Украінай.
Цяпер чытаюць
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы2727
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы27
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары
І што яна адказала на яго прапанову?
П.с. Пасля сёння ўсё высветлена канчаткова: гэта Зяленскі - мудры, а пуцін - х***о.