Трамп заявіў, што Пуцін «стрымаў абяцанне» не абстрэльваць украінскія гарады на працягу тыдня
Вашынгтон і Кіеў па-рознаму ацэньваюць вынікі энергетычнага мараторыя, пра які Дональд Трамп прасіў Уладзіміра Пуціна на мінулым тыдні. Амерыканскі прэзідэнт заяўляе, што Крэмль выканаў сваё абяцанне не біць па гарадах падчас маразоў, а Уладзімір Зяленскі канстатуе, што Расія выкарыстала гэтую паўзу толькі для назапашвання ракет і падрыхтоўкі яшчэ больш маштабнага ўдару.
«Ён пагадзіўся, ён стрымаў сваё слова», — сказаў пра Пуціна прэзідэнт ЗША Дональд Трамп журналістам у Белым доме, піша BВС. Паводле яго слоў, Расія, як і было абяцана, не абстрэльвала ўкраінскія гарады да 1 лютага.
Пра энергетычны мараторый стала вядома 29 студзеня — тады Трамп сказаў, што асабіста папрасіў Уладзіміра Пуціна не наносіць удары па Украіне на працягу тыдня на час маразоў, а Пуцін пагадзіўся.
Крэмль пазней паведаміў, што Расія прыпыняе ўдары па энергетычных аб’ектах Украіны да 1 лютага «з мэтай стварэння спрыяльных умоў для правядзення перамоў».
З моманту, калі пра спыненне ўдараў стала вядома, і да пачатку новых расійскіх удараў прайшло менш за тыдзень, пра што заявіў прэзідэнт Зяленскі. «Няпоўныя чатыры дні прайшлі з тыдня, пра які Расію прасілі. Гэта сведчыць і пра ўсё астатняе, што Расія абяцае ці яшчэ можа паабяцаць. Калі іх слова не трымаецца ўжо зараз, то чаго чакаць далей?» — сказаў украінскі прэзідэнт.
Раней прэзідэнт Зяленскі заявіў, што ў Кіеве чакаюць рэакцыі ЗША на маштабны расійскі ракетны абстрэл Украіны. «Была просьба асабіста ад прэзідэнта Злучаных Штатаў. Мы бачым, што Расія на гэтую просьбу адказала рэкордам балістыкі», — сказаў Зяленскі ў вячэрнім звароце 3 лютага.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары
Друг владимир звонит и обращается с просьбой к другу дони: "дони, тут у меня закавыка образовалась, запас баллистики и крылатых ракет закончился, надо поднакопится, да и нефть с большим дисконтом и плохо идёт на экспорт, из-за ударов украинцев по НПЗ и терминалам, надо неделька передыху. Ты скажи, что мы согласны на недельное перемирие, чтобы украинцы не били по нефтянке и чтобы поднакопить балистику и крылатые ракеты. И нам, дони, хорошо и ты миротворцем выглядишь, как и наше стремление к устойчивому миру, после того, как заморим холодом и голодом украинцев, да заставим пойти на капитуляцию "
дони и рад стараться, надо же своему кумиру и другу помочь.
Игра в четыре руки против Украины !
Калі ні пашчасціт яшчэ 3,5 гады...