Кіроўцу аўтобуса з Магілёва адправілі за краты за лайкі ў «Аднакласніках»
Андрэй Шмаянкоў — звычайны кіроўца з Магілёва, які любіць савецкія матацыклы і паездкі на прыроду. Яго асудзілі па палітычных артыкулах за актыўнасць у сацсетках.
Андрэю Шмаянкову 52 гады, ён жыве ў Магілёве. Вядома, што юнацтва мужчыны прайшло ў Крычаве — там ён вучыўся ў Абласным ліцэі №4, які скончыў у 1990 годзе.
Андрэй працаваў кіроўцам аўтобуса. Вядома, што раней ён ездзіў на заробкі ў Расію — напрыклад, мінулым летам працаваў кіроўцам маршруткі ў падмаскоўным Звянігарадзе, але пасля вярнуўся ў Беларусь.
Мяркуючы па сацсетках, Андрэй — заўзяты аматар тэхнікі. Ён цікавіцца аўтамабілямі і матацыкламі, асабліва фанацее ад маркі «Ява». На яго старонцы шмат фота транспарту і нататак пра правілы дарожнага руху. У вольны час мужчына любіць выбрацца на прыроду і пазбіраць грыбы.
У яго ёсць жонка і сын.
Пераслед магілёўца пачаўся з-за яго старонкі ў «Аднакласніках». Спецыфіка гэтай сацсеткі такая, што пастаўлены пад пастом «клас» (лайк) аўтаматычна працуе як рэпост, у выніку ўпадабаны допіс аўтаматычна адлюстроўваецца ў стужцы чалавека. Многія карыстальнікі пра гэта не ведаюць. Шмаянкоў некалькі разоў лайкаў навіны з 2020 года і амаль напэўна забыўся пра гэта.
Андрэя асудзілі паводле ч. 1 арт. 367 КК (паклёп на Лукашэнку) і арт. 370 (здзек з дзяржаўных сімвалаў). Суд Ленінскага раёна Магілёва прысудзіў яму калонію ці хімію з накіраваннем — дакладны тэрмін невядомы.
«Наша Нiва» — бастыён беларушчыны
ПАДТРЫМАЦЬ
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары