Чалавек, які страляў у намесніка начальніка ГРУ ў Маскве, прыкінуўся дастаўшчыкам ежы
«Комерсант» даведаўся падрабязнасці пра замах на намесніка начальніка ГРУ Мінабароны Расіі Уладзіміра Аляксеева.
Крыніцы ў праваахоўных органах расказалі, што каля сёмай гадзіны раніцы генерал-лейтэнант, як звычайна, выйшаў з кватэры ў доме на Валакаламскай шашы, каб паехаць на працу. Унізе яго чакала службовая машына з кіроўцам.
На пляцоўцы спадар Аляксееў сутыкнуўся з мужчынам, які, паводле папярэдніх даных, трапіў у дом, выдаючы сябе за дастаўшчыка ежы.
Злачынца параніў генерала ў руку і нагу, а калі той спрабаваў адабраць у яго пісталет, яшчэ і ў грудзі. Актыўны супраціў вайскоўца не дазволіў нападніку дабіць яго, адзначае крыніца.
Генерал знаходзіцца ў рэанімацыі ў цяжкім стане, бо адна з куль зачапіла жыццёва важныя органы.
Паводле папярэдніх звестак, праваахоўнікі маюць прыкметы нападніка, яго фота і відэа, таму ёсць усе шанцы яго хутка затрымаць.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары