«Архітэктурнае асвятленне і бетон». Новыя станцыі метро не будуць падобныя на папярэднія
На гэтым тыдні стала вядома, што тры новыя станцыі Зяленалужскай лініі плануюць запусціць у найбліжэйшую пяцігодку.
Пра тое, як будуць выглядаць новыя станцыі, газеце «Мінскі кур'ер» расказалі ў «Мінскметрапраекце». І паверце, нам будзе чаму здзівіцца, піша Onliner.by.
— Прыменім асаблівыя рашэнні, якія раней не выкарыстоўвалі пры афармленні такога роду аб'ектаў, — архітэктурнае асвятленне і бетон. Маем намер дасягнуць мастацкага эфекту за кошт не аздаблення, а таніравання і архітэктурнага асвятлення.
«Пераспа» і «Камароўская» стануць блізкімі па канструктыву, але рознымі па дызайне.
Так, першую аформім у блакітнай каляровай гаме — яе ўпрыгожаць свяцільні, якія будуць асацыявацца ў пасажыраў з воднай плынню. Другая ж апранецца ў агнявыя тоны.
Такім чынам, максімальна адыдзем ад аздобніцтва, аддадзім перавагу архітэктурным прыёмам, — растлумачыў першы намеснік дырэктара — галоўны інжынер «Мінскметрапраекта» Георгій Пратасаў.
— Адзначу: працаваць даводзіцца ў няпростых умовах. Сярод асаблівасцей участка Зеленалужскай лініі ад «Юбілейнай плошчы» да «Парку Дружбы народаў» высокі ўзровень грунтавых вод. Для прадухілення ўсплывання станцый прыйшлося прадугледзець меры па іх уцяжарванні, узмацненні гідраізаляцыі і ўкараненні спецыяльных канструктыўных рашэнняў, — распавёў спецыяліст.
Што тычыцца чацвёртай галіны метро, то зараз вядзецца распрацоўка праектнай дакументацыі першых трох станцый. З якога ўчастка пачнецца ўзвядзенне, пакуль не вызначана. Аднак ёсць мэта выйсці на пляцоўку ўжо ў 2027-м. Нагадаем: траса лініі прадублюе другое аўтатранспартнае гарадское кальцо, дзякуючы чаму раён плошчы Бангалор («Парк Дружбы народаў») злучыцца з Вяснянкай. Мяркуецца, што перасадачнымі будуць шэсць станцый з планаваных 16.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары