Таямнічая ўдзельніца замаху на генерала Аляксеева, якая паспела з'ехаць з Масквы, змяніла прозвішча пры атрыманні грамадзянства РФ. Яе роля магла быць галоўнай у арганізацыі замаху.
54‑гадовая Зінаіда Антанюк змяніла прозвішча пры атрыманні грамадзянства РФ і стала Серабрыцкай, піша SHOT.
У снежні 2025‑га яна засялілася ў той жа дом, дзе жыве генерал ГРУ Уладзімір Аляксеяў, на Валакаламскай шашы. Увесь гэты час яна, імаверна, сачыла за Аляксеевым.
У самым пачатку лютага Зінаіда пыталася ў суседзяў у агульным чаце код ад дзвярэй дамафона, які адкрывае доступ на тэрыторыю ЖК.
Перад гэтым жанчына прадала свой дом у «ЛНР» і пераехала ў Маскву.
Адразу пасля замаху Зінаіда збегла ва Украіну.
Таксама SHOT піша, што Любамір Корба, непасрэдны выканаўца замаху, нарадзіўся ў Цярнопальскай вобласці Украіны ў 1960 годзе. Быў дырэктарам польска-ўкраінскай кампаніі «Цярпол», стаў удаўцом.
У 2021 годзе аформіў сабе часовую рэгістрацыю ў горадзе Нягань у Ханты-Мансійскай аўтаномнай акрузе. Пашпарт РФ атрымаў зусім нядаўна.
Яго 66‑гадовы памочнік Віктар Васін, паводле SHOT, у сярэдзіне 80‑х скончыў афіцэрскія курсы па спецыяльнасці «інжынер спецсувязі» ў Кемераўскім ваенным вучылішчы сувязі. У нулявыя заняўся ў Расіі будаўнічым бізнэсам, але ў 2008‑м ФПС ліквідавала яго кампанію.
У сярэдзіне 2010‑х прайшоў у РФ курсы прафесійнай перападрыхтоўкі па пажарнай бяспецы. Пасля гэтага зноў заняўся бізнэсам, гандлем будматэрыяламі. Канец аналагічны: у 2020‑м ФПС ліквідавала абедзве яго кампаніі — «Інвестбудпраект» і «Будмаркет».
СК РФ заявіў, што нападнікі дзейнічалі «па заданні спецслужбаў Украіны».
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі6
Каментары