МАК забараніў украінскаму скелетаністу выступаць у шлеме з выявамі спартсменаў, загінулых на вайне
Міжнародны алімпійскі камітэт забараніў украінскаму скелетаністу Уладзіславу Гераскевічу выступаць на Алімпійскіх гульнях 2026 года ў спецыяльным шлеме. Пра гэта 27‑гадовы спартсмен паведаміў на сваёй старонцы ў інстаграме, піша champion.com.ua.
Па словах Уладзіслава Гераскевіча, забарона тычыцца як трэніровак, так і афіцыйных спаборніцтваў падчас Алімпіяды. Украінскі бок ужо рыхтуе афіцыйны зварот да МАК і плануе змагацца да канца, каб атрымаць дазвол выступаць менавіта ў гэтым шлеме.
На шлем нанесеныя выявы ўкраінскіх спартсменаў, якія загінулі ў выніку расійскага ўварвання. Гераскевіч ужо паспеў правесці першыя трэніроўкі на гульнях у Мілане ў гэтай экіпіроўцы.
Спартсмен назваў рашэнне МАК вельмі балючым і заявіў, што яно выглядае як здрада памяці атлетаў, якія былі часткай алімпійскага руху, але ўжо ніколі не змогуць выйсці на спартыўную арэну. Ён таксама падкрэсліў, што раней у гісторыі і сучаснасці існавалі выпадкі, калі МАК дазваляў падобныя формы ўшанавання, аднак цяпер для Украіны былі ўведзеныя асобныя, больш жорсткія правілы.
Раней Гераскевіч ужо паведамляў, што атрымліваў папярэджанні ад МАК з патрабаваннем устрымацца ад любых публічных пратэстаў супраць расійскай агрэсіі падчас Алімпійскіх гульняў.
Падчас першых трэніровачных заездаў спартсмен паказаў высокія вынікі: у першай спробе ён стаў пятым, а ў другой заняў трэцяе месца. Наступныя трэніроўкі адбудуцца 10 і 11 лютага, а першы старт ужо на спаборніцтвах запланаваны на 12 лютага.
Алімпіяда-2026 стане для Уладзіслава Гераскевіча трэцяй у кар’еры. На Гульнях 2018 года ў карэйскім Пхёнчхане ён заняў 12‑е месца, а ў 2022 годзе у Пекіне — 18-е.
18‑гадовая сцяганосца зборнай Малдовы аказалася зацятай пуціністкай
Алімпіяда яшчэ толькі пачалася, а заваяваныя медалі ў некаторых прызёраў ужо паламаліся
Лыжнік з Гаіці заняў на Алімпіядзе апошняе месца, але сарваў апладысменты
Ліндсі Вон знаходзіцца ў стабільным стане пасля падзення на Алімпіядзе-2026
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары
Не! Выйсце ЁСЦЬ! Трэбы гэтыя фота з наружы шлема ПЕРАМЯСЦIЦЬ унутр шлема. I аб гэтым аб'явiць прылюдна. МОК нiчога не зможа зрабiць, а украiнскiй бок застанецца на сваёй прынцыповай пазiцыi.