Італія абышла Нарвегію па колькасці заваяваных медалёў на Алімпіядзе
На дамашніх Зімовых Алімпійскіх гульнях італьянцы заваявалі ў чацвер чатыры медалі.
Франчэска Лолабрыджыда і Фэдэрыка Брыньёне выйгралі спаборніцтвы ў забегу на каньках на 5000 метраў і гарналыжным спуску адпаведна.
Арыана Фантана выйграла срэбра ў шорт-трэку на 500 метраў, зборная Італіі заваявала бронзу ў санным спорце.
Зараз у Італіі 17 медалёў на Алімпіядзе (6 залатых, тры срэбраныя, восем бронзавых). У Нарвегіі — 14 (7+2+5), у ЗША — 14 (4+7+3), Германіі — 9 (4+3+2), Швецыі — 8 (4+3+1).
Але прынята ў агульным неафіцыйным заліку лічыць па колькасці залатых узнагарод, таму Нарвегія на афіцыйным сайце Алімпіяды — першая.
Сёння, у пятніцу, на Алімпіядзе пройдуць спаборніцтвы па лыжных гонках на 10 км з раздзельным стартам у мужчын (13:45), спрынт у біятлоне на 10 км у мужчын (16:00).
Будуць разыграныя медалі ў каньках на 10 км (18:00), спаборніцтвы ў скелетоне (23:05), дзе мог выступіць адхілены ад спаборніцтваў Уладзіслаў Гераскевіч, а таксама будуць разыграныя медалі ў фігурным катанні ў мужчын: адвольная праграма (21:00), дзе галоўным фаварытам лічыцца Ілля Малінін.
Беларусы наступным разам будуць удзельнічаць у спаборніцтвах на Алімпіядзе ў аўторак, калі пройдзе кваліфікацыя па фрыстайле.
Украінскага скелетаніста Гераскевіча дыскваліфікавалі на Алімпіядзе за шлем з фотаздымкамі загінулых на вайне спартоўцаў
Украінскі скелетаніст Гераскевіч пракаментаваў сітуацыю са сваёй дыскваліфікацыяй на Алімпіядзе
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
Каментары
Daliej, padajecca, nastanie čas amierykancaū... Ci nie ?