Махляры нажыліся на беларусах, якія вельмі хацелі трапіць на канцэрт расійскага рэпера Мот
14 і 15 лютага «Мінск-арэна» прымае расійскага спевака Мот (Мацвея Мельнікава). Квіткі на яго шоу каштавалі ад 55 да 236 рублёў, і солд-аўт здарыўся задоўга да даты мерапрыемства. Менавіта таму некаторыя беларусы гатовыя былі купіць квіткі з рук і з нацэнкай, чым скарысталіся махляры.
Мяркуючы з сацыяльных сетак, некалькі дзясяткаў беларусаў так і не трапілі на канцэрт рэпера, хоць заплацілі за яго па падвышаным тарыфе — на ўваходзе аказалася, што іх квіткі фэйкавыя.
«Мы вельмі хацелі трапіць на канцэрт, найперш я. Таму мой хлопец купіў квіткі праз перакупаў на «Куфры». Але аказалася, што прадавец быў нядобранадзейны. Мы ніяк не маглі праверыць сапраўднасць квіткоў самі, бо яны былі купленыя за 1,5 месяца і мы ў гэтым не разбіраемся», — падзялілася ў сацсетках сваім болем адна з фанатак.
Фальшыўку выявілі ўжо на ўваходзе ў «Мінск-арэну» — квіткі пары, як ім сказалі, былі прабітыя раней, і яны былі не першыя, хто атрымліваў такі непрыемны сюрпрыз перад самай падзеяй.
Пры гэтым за два квіткі, якія на афіцыйных сайтах абышліся б 160 рублёў, маладыя людзі заплацілі 200.
Пра такі ж развод расказваюць многія іншыя беларусы. Ім раяць пісаць калектыўную заяву ў міліцыю, хаця самі яны не вераць у тое, што ашуканцаў знойдуць: ранейшыя акаўнты прадаўцоў і на «Куфары», і ў тэлеграме выдаленыя.
«На ўваходзе сказалі, што чалавек 30 адправілі з фальшывымі квіткамі», — распавядае адна з беларусак.
Пасля скаргаў карыстальнікаў да сітуацыі падключыліся і прадстаўнікі kufar.by.
Цяпер чытаюць
Прапагандысты запэўніваюць, што 196 палітвязняў ужо на свабодзе8
Каментары