Machlary nažylisia na biełarusach, jakija vielmi chacieli trapić na kancert rasijskaha repiera Mot
14 i 15 lutaha «Minsk-arena» prymaje rasijskaha śpievaka Mot (Maćvieja Mielnikava). Kvitki na jaho šou kaštavali ad 55 da 236 rubloŭ, i sołd-aŭt zdaryŭsia zadoŭha da daty mierapryjemstva. Mienavita tamu niekatoryja biełarusy hatovyja byli kupić kvitki z ruk i z nacenkaj, čym skarystalisia machlary.
Miarkujučy z sacyjalnych sietak, niekalki dziasiatkaŭ biełarusaŭ tak i nie trapili na kancert repiera, choć zapłacili za jaho pa padvyšanym taryfie — na ŭvachodzie akazałasia, što ich kvitki fejkavyja.
«My vielmi chacieli trapić na kancert, najpierš ja. Tamu moj chłopiec kupiŭ kvitki praź pierakupaŭ na «Kufry». Ale akazałasia, što pradaviec byŭ niadobranadziejny. My nijak nie mahli pravieryć sapraŭdnaść kvitkoŭ sami, bo jany byli kuplenyja za 1,5 miesiaca i my ŭ hetym nie raźbirajemsia», — padzialiłasia ŭ sacsietkach svaim bolem adna z fanatak.
Falšyŭku vyjavili ŭžo na ŭvachodzie ŭ «Minsk-arenu» — kvitki pary, jak im skazali, byli prabityja raniej, i jany byli nie pieršyja, chto atrymlivaŭ taki niepryjemny siurpryz pierad samaj padziejaj.
Pry hetym za dva kvitki, jakija na aficyjnych sajtach abyšlisia b 160 rubloŭ, maładyja ludzi zapłacili 200.
Pra taki ž razvod raskazvajuć mnohija inšyja biełarusy. Im rajać pisać kalektyŭnuju zajavu ŭ milicyju, chacia sami jany nie vierać u toje, što ašukancaŭ znojduć: raniejšyja akaŭnty pradaŭcoŭ i na «Kufary», i ŭ telehramie vydalenyja.
«Na ŭvachodzie skazali, što čałaviek 30 adpravili z falšyvymi kvitkami», — raspaviadaje adna ź biełarusak.
Paśla skarhaŭ karystalnikaŭ da situacyi padklučylisia i pradstaŭniki kufar.by.
Cima Biełaruskich pajechaŭ u pieršy vialiki tur paśla chatniaj chimii za narkotyki — pa Rasii
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie
Aktrysa Kupałaŭskaha pryznałasia, što teatr tak i nie zmoh adyści paśla 2020 hoda
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary