«Вырашыце пытанне, каб я змог спакойна прыляцець». Лукашэнка расказаў, чаму не паляцеў у Вашынгтон
Аляксандр Лукашэнка заявіў, што на Саміт міру не ляціць, не таму што баіцца ці Пуцін забараніў. Пра гэта ён казаў дзяржсакратару Саюзнай дзяржавы Сяргею Глазьеву падчас яго візіту ў Мінск.
«Я што ў сувязі з гэтымі санкцыямі павінен быў ляцець праз Паўднёва-Афрыканскую Рэспубліку ў Вашынгтон? Калі вы хочаце мяне там бачыць, вырашыце пытанне, каб я змог спакойна прыляцець і паляцець», — сказаў ён.
Таксама ён адказаў на закіды, што пабаяўся.
«Я нікога не баяўся і баяцца не збіраюся. Гэта поўная дурасць. «Вось Лукашэнку там хтосьці схопіць і дахаты не пусціць. Ну тупасць поўная, я нават не магу ўявіць, што гэта здарыцца з якім іншым прэзідэнтам. Таму нават абмяркоўваць не хочацца.
Далей: не пусціў Пуцін мяне ў ЗША. Я нават не ведаў, што запрошаны на Раду, калі з Пуціным размаўляў. Яны нават не змаглі гэта супаставіць. Пуцін такі чалавек, ён будзе нешта намякаць, але каб не пусціць… наадварот, ён бы сказаў, што перадай Дональду гэта, гэта, гэта. Не каб прадставіць інтарэсы Расійскай Федэрацыі», — сказаў палітык.
Учора Дональд Трамп сказаў, што дзяржавы-ўдзельніцы Рады міру выдзеляць больш за 5 мільярдаў даляраў на Газу.
Лукашэнка адзначыў, што ў Беларусі няма мільярда, каб вылучыць на аднаўленне Газы, «якую па-варварску разбамбілі».
«І там пад гэтымі абломкамі, чалавечыя лёсы і, галоўнае, дзяцей, для мяне гэта непрымальна. І што нам там рабіць. Справа ў Радзе міру, а мы абавязкова ў ім будзем удзельнічаць на ўзроўні прэзідэнта. Можа, не ў Вашынгтоне. Дзесьці ў Еўропе ці на Блізкім Усходзе, можа быць, у Ізраілі, бліжэй тут, у Турцыі адбудуцца далейшыя пасяджэнні гэтай Рады. Мы будзем удзельнічаць у ёй», — дадаў ён.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах12
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары
А беларусы только спасибо скажут