«Vyrašycie pytańnie, kab ja zmoh spakojna prylacieć». Łukašenka raskazaŭ, čamu nie palacieŭ u Vašynhton
Alaksandr Łukašenka zajaviŭ, što na Samit miru nie lacić, nie tamu što baicca ci Pucin zabaraniŭ. Pra heta jon kazaŭ dziaržsakrataru Sajuznaj dziaržavy Siarhieju Hłaźjevu padčas jaho vizitu ŭ Minsk.
«Ja što ŭ suviazi z hetymi sankcyjami pavinien byŭ lacieć praz Paŭdniova-Afrykanskuju Respubliku ŭ Vašynhton? Kali vy chočacie mianie tam bačyć, vyrašycie pytańnie, kab ja zmoh spakojna prylacieć i palacieć», — skazaŭ jon.
Taksama jon adkazaŭ na zakidy, što pabajaŭsia.
«Ja nikoha nie bajaŭsia i bajacca nie źbirajusia. Heta poŭnaja duraść. «Voś Łukašenku tam chtości schopić i dachaty nie puścić. Nu tupaść poŭnaja, ja navat nie mahu ŭjavić, što heta zdarycca ź jakim inšym prezidentam. Tamu navat abmiarkoŭvać nie chočacca.
Dalej: nie puściŭ Pucin mianie ŭ ZŠA. Ja navat nie viedaŭ, što zaprošany na Radu, kali z Pucinym razmaŭlaŭ. Jany navat nie zmahli heta supastavić. Pucin taki čałaviek, jon budzie niešta namiakać, ale kab nie puścić… naadvarot, jon by skazaŭ, što pieradaj Donaldu heta, heta, heta. Nie kab pradstavić intaresy Rasijskaj Fiederacyi», — skazaŭ palityk.
Učora Donald Tramp skazaŭ, što dziaržavy-ŭdzielnicy Rady miru vydzielać bolš za 5 miljardaŭ dalaraŭ na Hazu.
Łukašenka adznačyŭ, što ŭ Biełarusi niama miljarda, kab vyłučyć na adnaŭleńnie Hazy, «jakuju pa-varvarsku razbambili».
«I tam pad hetymi abłomkami, čałaviečyja losy i, hałoŭnaje, dziaciej, dla mianie heta nieprymalna. I što nam tam rabić. Sprava ŭ Radzie miru, a my abaviazkova ŭ im budziem udzielničać na ŭzroŭni prezidenta. Moža, nie ŭ Vašynhtonie. Dzieści ŭ Jeŭropie ci na Blizkim Uschodzie, moža być, u Izraili, bližej tut, u Turcyi adbuducca dalejšyja pasiadžeńni hetaj Rady. My budziem udzielničać u joj», — dadaŭ jon.
Kamientary
A biełarusy tolko spasibo skažut