Гіпермаркет праверыла санітарная служба.
Мінчанка выклала ў сетку фота сапсаванай смажанай рыбы ў паніроўцы, пасля чаго ў гіпермаркет Green на вул. Прытыцкага, 156, прыйшла праверка, пішуць Мінск-навіны.
«Грын, Каменная горка. Гэта было 11 лютага а дзявятай вечара. Будзьце асцярожныя», — коратка апісала дзяўчына фатаграфію з кавалкамі прыгатаванай рыбы, на якіх бачна цвіль.
Пост выклікаў рэзананс: яго паглядзелі амаль 120 тыс. разоў, пад ім пакінутыя дзясяткі каментарыяў. Больш за 50 разоў інфармацыю перасылалі іншым карыстальнікам.
Каментатары падзяліліся сваімі гісторыямі падобных пакупак, выклаўшы фота сапсаваных прадуктаў. Многія лічаць, што кулінарыю і зусім не варта купляць, тым больш на адкрытых пляцоўках.
Пост і фатаграфіі трапілі ў цэнтр гігіены і эпідэміялогіі Фрунзенскага раёна:
— У ходзе вывучэння абставінаў, размешчаных у сацыяльнай сетцы, пацверджаны факт рэалізацыі 11 лютага ў вышэйзгаданай краме няякаснай рыбнай прадукцыі, — распавялі спецыялісты. — За парушэнне патрабаванняў заканадаўства ў галіне забеспячэння санітарна-эпідэміялагічнага дабрабыту насельніцтва ў дадзеным прадпрыемстве гандлю прыняты меры ў адпаведнасці з заканадаўствам Рэспублікі Беларусь.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары