Гэта так проста — а падтрымаеце сваіх. Пералічыце 1,5% падаходнага на беларускую справу
Беларусы, якія працуюць у Польшчы або Літве — незалежна ад грамадзянства, — пры падачы абавязковай падатковай дэкларацыі за мінулы год могуць накіраваць 1,2—1,5% падаходнага падатку на дзейнасць грамадскіх арганізацый. Падрыхтавалі для вас падрабязную інструкцыю, як падтрымаць «Нашу Ніву» ці іншыя важныя беларускія справы, не патраціўшы пры гэтым ані цэнта.
Польшча (інструкцыя для Літвы ніжэй)
Падатковыя рэзідэнты Польшчы абавязаны штогадова падаваць падатковыя дэкларацыі — РІТ з 15 лютага па 30 красавіка. Аднак чым раней вы гэта зробіце, тым раней атрымаеце частку падатку, сплачанага за вас працадаўцам.
Каб гэта зрабіць, неабходна зайсці на сайт podatki.gov.pl.
Сайт даступны на трох мовах: польскай, англійскай і ўкраінскай. Пасля аўтарызацыі вы трапіце на epit.podatki.gov.pl, сістэма прапануе вам запоўніць неабходную форму.
Для пачатку падачы дэкларацыі трэба націснуць на Złóż PIT.
Падчас запаўнення дэкларацыі галоўнае — не прапусціць пункт «1,5% podatku dla OPP» (перадача 1,5% падатку, які падлягае выплаце грамадскай арганізацыі).
У полі «numer KRS wybranej organizacji» увядзіце нумар 0000507234 — ён адпавядае польскаму фонду-партнёру FaniMani, які дапамагае «Нашай Ніве» сабраць адсотак ад падатку.
Далей у полі «Cel szczegółowy do przekazania 1,5% podatku» трэба ўвесці лічбы 82197 — гэта наш ўнікальны нумар арганізацыі ў сістэме FaniMani.
Тут трэба быць максімальна пільнымі, бо калі вы не ўвядзеце гэтыя лічбы, сістэма FaniMani не будзе ведаць, якой арганізацыі пералічылі грошы.
Пасля пастаўце птушачку «Wyrażam zgodę» (згодзен) і націсніце кнопку «Zatwierdź» (зацвердзіць). Далей працягвайце запаўняць дэкларацыю і адпраўце яе ў канцы, калі ўсё гатова.
Літва
Для падачы абавязковай падатковай дэкларацыі ў Літве трэба зайсці ў сістэму электроннага падатковага дэкларавання EDS, і там націснуць на «Prisijungti prie EDS».
Далей трэба абраць сістэму, праз якую вы будзеце праходзіць аўтарызацыю ў сістэму EDS.
У нашым прыкладзе гэта будзе зроблена праз Swedbank, дзе можна абраць рускую мову для інтэрфейсу.
Пасля праходжання аўтарызацыі ў Э-паслугах трэба выбраць раздзел VMI і націснуць «увайсці».
Пасля гэтага вы трапляеце ў партал EDS, дзе і будзе адбывацца запаўненне дэкларацыі.
Каб прыступіць да яе запаўнення, неабходна націснуць на выяву глобуса.
Гэтая старонка даступная толькі на літоўскай, але далей мову інтэрфейсу можна змяніць на рускую.
Калі вы ўжо маеце літоўскі ДНЖ з 2025 года ці раней і пры гэтым працуеце ў літоўскай кампаніі, то для падатковай вы ў любым выпадку лічыцеся пастаянным жыхаром.
Далей вы па тэксце запаўняеце дэкларацыю, адказваючы на пытанні.
Пасля таго, як вы адкажаце на ўсе пытанні, сістэма прапануе вам сфармаваць і падаць дэкларацыю, пасля чаго вы ўбачыце суму, якую вам павінна вярнуць дзяржава, або суму, якую вы мусіце даплаціць.
«Я хачу падтрымаць!»
Ніжэй будзе радок, дзе напісана, што ў вас ёсць магчымасць размеркаваць частку падаходнага падатку.
Там трэба націснуць на «Я хачу падтрымаць».
Далей інтэрфейс будзе толькі на літоўскай, але разабрацца будзе нескладана. Каб працягнуць запаўненне, на старонцы EDS трэба зноў націснуць на значок глобуса.
(Важна, калі раптам у вас не атрымалася перайсці далей, націснуўшы на «Я хочу поддержать», то перайдзіце па гэтай спасылцы і працягвайце падачу).
На наступным кроку націсніце «Pradėti» (Пачаць).
У радок пошуку трэба ўвесці код арганізацыі, якую вы хочаце падтрымаць, пералічыўшы 1,2% ад сумы ўжо сплачанага падаходнага падатку.
Нумар «Нашай Нівы» — 305965367. Пасля ўводу кода нашай арганізацыі ў вас з'явіцца назва нашай юрыдычнай асобы ў Літве — Viešoji įstaiga «Nasha Niva Fund».
Абраўшы ў спісе «Нашу Ніву» (Viešoji įstaiga «Nasha Niva Fund»), націскаем на «Testi» (Працягнуць).
На наступным кроку ў радку «Mokesčio dalies dydis (procentais)» (Памер падатковай часткі (у працэнтах)) вы ўводзіце лічбы 1,2.
Затым націскаеце на «lšsaugoti» (Захаваць).
Пасля трэба яшчэ раз пацвердзіць ваш выбар і націснуць на «Taip, teisingi» (Так, слушна).
Далей у вас спытаюць, ці хочаце вы адправіць запыт, на што вы націскаеце на «Formuoti prašyma» (Аформіць заяўку).
На фінальным этапе вам трэба будзе яшчэ двойчы націснуць на «Pateikti» (Падаць). Спачатку ў левым ніжнім куце, а пасля ва ўсплываючым акенцы.
Такім простым і цалкам бясплатным для вас чынам вы можаце падтрымаць «Нашу Ніву» — бастыён беларушчыны і крыніцу інфармацыі для ўсіх нашых, і тут, і там.
-
Адказ чытачу з Томска пра тое, чаму ваш «яркі рэжысёр» нам непрымальны
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
-
Працуеце ў Літве? Падтрымайце «Нашу Ніву» — для вас гэта цалкам бясплатна, а мы зможам зрабіць больш для Беларусі і беларушчыны!
Цяпер чытаюць
Бабарыка: Калі б мы перамаглі — вайны ва Украіне не было б19
Каментары