Pracujecie ŭ Polščy abo Litvie? Padtrymajcie «Našu Nivu» — dla vas heta całkam biaspłatna, a my zmožam zrabić bolš dla Biełarusi i biełaruščyny!
Biełarusy, jakija pracujuć u Polščy abo Litvie — niezaležna ad hramadzianstva, — pry padačy abaviazkovaj padatkovaj dekłaracyi za minuły hod mohuć nakiravać 1,2—1,5% padachodnaha padatku na dziejnaść hramadskich arhanizacyj. Padrychtavali dla vas padrabiaznuju instrukcyju, jak padtrymać «Našu Nivu», nie patraciŭšy pry hetym ani centa.
Polšča (instrukcyja dla Litvy nižej)
Padatkovyja rezidenty Polščy abaviazany štohadova padavać padatkovyja dekłaracyi — RIT z 15 lutaha pa 30 krasavika. Adnak čym raniej vy heta zrobicie, tym raniej atrymajecie častku padatku, spłačanaha za vas pracadaŭcam.
Kab heta zrabić, nieabchodna zajści na sajt podatki.gov.pl.
Sajt dastupny na troch movach: polskaj, anhlijskaj i ŭkrainskaj. Paśla aŭtaryzacyi vy trapicie na epit.podatki.gov.pl, sistema prapanuje vam zapoŭnić nieabchodnuju formu.
Dla pačatku padačy dekłaracyi treba nacisnuć na Złóż PIT.
Padčas zapaŭnieńnia dekłaracyi hałoŭnaje — nie prapuścić punkt «1,5% podatku dla OPP» (pieradača 1,5% padatku, jaki padlahaje vypłacie hramadskaj arhanizacyi).
U poli «numer KRS wybranej organizacji» uviadzicie numar 0000507234 — jon adpaviadaje polskamu fondu-partnioru FaniMani, jaki dapamahaje «Našaj Nivie» sabrać adsotak ad padatku.
Dalej u poli «Cel szczegółowy do przekazania 1,5% podatku» treba ŭvieści ličby 82197 — heta naš ŭnikalny numar arhanizacyi ŭ sistemie FaniMani.
Tut treba być maksimalna pilnymi, bo kali vy nie ŭviadziecie hetyja ličby, sistema FaniMani nie budzie viedać, jakoj arhanizacyi pieraličyli hrošy.
Paśla pastaŭcie ptušačku «Wyrażam zgodę» (zhodzien) i naciśnicie knopku «Zatwierdź» (zaćvierdzić). Dalej praciahvajcie zapaŭniać dekłaracyju i adpraŭcie jaje ŭ kancy, kali ŭsio hatova.
Litva
Dla padačy abaviazkovaj padatkovaj dekłaracyi ŭ Litvie treba zajści ŭ sistemu elektronnaha padatkovaha dekłaravańnia EDS, i tam nacisnuć na «Prisijungti prie EDS».
Dalej treba abrać sistemu, praź jakuju vy budziecie prachodzić aŭtaryzacyju ŭ sistemu EDS.
U našym prykładzie heta budzie zroblena praz Swedbank, dzie možna abrać ruskuju movu dla interfiejsu.
Paśla prachodžańnia aŭtaryzacyi ŭ E-pasłuhach treba vybrać raździeł VMI i nacisnuć «uvajści».
Paśla hetaha vy traplajecie ŭ partał EDS, dzie i budzie adbyvacca zapaŭnieńnie dekłaracyi.
Kab prystupić da jaje zapaŭnieńnia, nieabchodna nacisnuć na vyjavu hłobusa.
Hetaja staronka dastupnaja tolki na litoŭskaj, ale dalej movu interfiejsu možna źmianić na ruskuju.
Kali vy ŭžo majecie litoŭski DNŽ z 2025 hoda ci raniej i pry hetym pracujecie ŭ litoŭskaj kampanii, to dla padatkovaj vy ŭ lubym vypadku ličyciesia pastajannym žycharom.
Dalej vy pa tekście zapaŭniajecie dekłaracyju, adkazvajučy na pytańni.
Paśla taho, jak vy adkažacie na ŭsie pytańni, sistema prapanuje vam sfarmavać i padać dekłaracyju, paśla čaho vy ŭbačycie sumu, jakuju vam pavinna viarnuć dziaržava, abo sumu, jakuju vy musicie dapłacić.
«Ja chaču padtrymać!»
Nižej budzie radok, dzie napisana, što ŭ vas jość mahčymaść raźmierkavać častku padachodnaha padatku.
Tam treba nacisnuć na «Ja chaču padtrymać».
Dalej interfiejs budzie tolki na litoŭskaj, ale razabracca budzie nieskładana. Kab praciahnuć zapaŭnieńnie, na staroncy EDS treba znoŭ nacisnuć na značok hłobusa.
(Važna, kali raptam u vas nie atrymałasia pierajści dalej, nacisnuŭšy na «Ja choču poddieržať», to pierajdzicie pa hetaj spasyłcy i praciahvajcie padaču).
Na nastupnym kroku naciśnicie «Pradėti» (Pačać).
U radok pošuku treba ŭvieści kod arhanizacyi, jakuju vy chočacie padtrymać, pieraličyŭšy 1,2% ad sumy ŭžo spłačanaha padachodnaha padatku.
Numar «Našaj Nivy» — 305965367. Paśla ŭvodu koda našaj arhanizacyi ŭ vas źjavicca nazva našaj jurydyčnaj asoby ŭ Litvie — Viešoji įstaiga «Nasha Niva Fund».
Abraŭšy ŭ śpisie «Našu Nivu» (Viešoji įstaiga «Nasha Niva Fund»), naciskajem na «Testi» (Praciahnuć).
Na nastupnym kroku ŭ radku «Mokesčio dalies dydis (procentais)» (Pamier padatkovaj častki (u pracentach)) vy ŭvodzicie ličby 1,2.
Zatym naciskajecie na «lšsaugoti» (Zachavać).
Paśla treba jašče raz paćvierdzić vaš vybar i nacisnuć na «Taip, teisingi» (Tak, słušna).
Dalej u vas spytajuć, ci chočacie vy adpravić zapyt, na što vy naciskajecie na «Formuoti prašyma» (Aformić zajaŭku).
Na finalnym etapie vam treba budzie jašče dvojčy nacisnuć na «Pateikti» (Padać). Spačatku ŭ levym nižnim kucie, a paśla va ŭspłyvajučym akiency.
Takim prostym i całkam biaspłatnym dla vas čynam vy možacie padtrymać «Našu Nivu» — bastyjon biełaruščyny i krynicu infarmacyi dla ŭsich našych, i tut, i tam.
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
-
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich
-
Vakansija ŭ «Našaj Nivie»: mantažor-redaktar tyktokaŭ
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary