Беларуская канькабежка Марына Зуева атрымала афіцыйнае запрашэнне да ўдзелу ў мас-старце на Алімпіядзе-2026 у Італіі, паведамілі ў Нацыянальным алімпійскім камітэце.
Марына Зуева
Па выніках розыгрышу сёлетняга Кубка свету Марына Зуева не заваявала прамую алімпійскую ліцэнзію ў гэтым відзе праграмы. Пуцёўкі атрымалі 24 найлепшыя дзяўчыны ў заліку мас-стартаў, а Зуева была толькі 29‑й і патрапіла ў спіс рэзервістаў.
Тым не менш, 17 лютага арганізатары пацвердзілі ўдзел беларускі ў гонцы, якая адбудзецца 21 лютага, у перадапошні дзень Алімпіяды.
Раней на Алімпійскіх гульнях у Італіі Марына Зуева заняла 6‑е месца на дыстанцыі 5000 м і стала 15‑й на дыстанцыі 3000 м.
Каментары