Зяленскі даручыў украінскай камандзе на перамовах арганізаваць сустрэчу з Пуціным у Жэневе
Са слоў украінскага прэзідэнта, гэта — найлепшы спосаб дабіцца прарыву ў пытанні тэрыторый.
Прэзідэнт Украіны Уладзімір Зяленскі распавёў, што даручыў сваёй камандзе на перамовах арганізаваць будучую сустрэчу на ўзроўні лідараў Украіны — ЗША — Расія ў Жэневе. Пра гэта Зяленскі расказаў у інтэрв'ю Axios, піша «Украінская праўда».
Паводле ягоных слоў, найлепшы спосаб дамагчыся прарыву ў пытанні тэрыторыі на перамовах — гэта асабістая сустрэча з кіраўніком РФ Уладзімірам Пуціным. Зяленскі сказаў, што даручыў сваёй камандзе арганізаваць будучую сустрэчу на ўзроўні лідараў у Жэневе.
Таксама паведамляецца, што амерыканскія пасярэднікі прапанавалі ўкраінскім войскам вывесці свае сілы з тых частак Данбаса, якія яны цяпер кантралююць, і дазволіць гэтай тэрыторыі стаць дэмілітарызаванай «свабоднай эканамічнай зонай».
Вашынгтон не заняў пазіцыю адносна таго, якая краіна будзе мець суверэнітэт над гэтай тэрыторыяй.
Зяленскі заявіў, што гатовы абмеркаваць вывад войскаў, але заклікаў Маскву адвесці свае войскі на эквівалентную адлегласць і адхіліў прэтэнзіі Расіі на суверэнітэт над гэтай зонай.
Зяленскі заявіў, што падчас другога раўнда перамоў расейскія чыноўнікі паабяцалі пракансультавацца з Масквой і вярнуцца з дэталёвай пазіцыяй аб тэрытарыяльным пытанні.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары