Зяленскі: Пуцін не сядзіць у турме — гэта самы вялікі кампраміс, на які пайшоў свет
Прэзідэнт Украіны Уладзімір Зяленскі ў інтэрв'ю Politico заявіў, што яго краіна ўжо пайшла на шмат кампрамісаў у спадзяваннях на перамір'е.
«З амерыканскага боку, ад прэзідэнта Трампа, паступаюць сігналы, што цяпер час для кампрамісаў, што можна зрабіць некалькі крокаў наперад. Мы пайшлі на шмат кампрамісаў. Пуцін і яго сябры не сядзяць у турме. Гэта самы вялікі кампраміс, на які ўжо пайшоў свет», — сказаў Зяленскі.
Ён адзначыў, што Трамп прапаноўваў заключыць перамір’е і часова замарозіць вайну. Украіна пагаджалася на безумоўнае спыненне агню, але Пуцін ад яго адмовіўся.
«Сёння адна прычына, заўтра другая прычына і гэтак далей. Нам трэба ціснуць на яго… Пуцін спыніць гэтую вайну, калі на яго будзе аказвацца рэальны ціск», — лічыць Зяленскі.
Наступныя трохбаковыя перагаворы Украіны, ЗША і Расіі аб вайне ва Украіне плануюць правесці ў Жэневе 17—18 лютага.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары