Спецпасланнік прэзідэнта ЗША заявіў аб «велізарным прагрэсе» ў працэсе мірнага ўрэгулявання пасля трохбаковых перамоў Украіны, ЗША і Расіі ў Жэневе, піша «Украінская праўда».
«Поспех прэзідэнта Трампа ў збліжэнні бакоў гэтага канфлікту прывёў да значнага прагрэсу, і мы ганарымся тым, што пад яго кіраўніцтвам працуем над спыненнем забойстваў у гэтым жахлівым канфлікце», — сказаў Уіткаф.
Ён дадаў, што «абодва бакі пагадзіліся праінфармаваць сваіх лідараў і працягнуць працу над дасягненнем пагаднення».
Сакратар Рады нацыянальнай бяспекі і абароны Рустэм Умераў, які ўзначальвае ўкраінскую дэлегацыю ў Жэневе, распавёў, што перамовы былі сканцэнтраваныя на практычных пытаннях і механіцы магчымых рашэнняў. Ён дадаў, што пасля сумеснай часткі каманды працягнулі працу ў групах па напрамках.
У Жэневу прыбылі дарадцы ў нацбяспецы Вялікабрытаніі, Францыі, Германіі і Італіі, якія будуць мець сустрэчы з украінскай і амерыканскай камандамі.
Другі раўнд перамоў запланаваны сёння на першую палову дня.
Каментары
Ему бы маркетологом работать. Свистун.