«Сёння Украіна выкарыстала пакет санкцый супраць Аляксандра Лукашэнкі, і мы значна актывізуем супрацьдзеянне ўсім формам яго садзейнічання забойствам украінцаў. Будзем працаваць з партнёрамі так, каб гэта мела глабальны эфект», — напісаў прэзідэнт Украіны Уладзімір Зяленскі.
«У другой палове 2025 года на тэрыторыі Беларусі расіяне разгарнулі сістэму рэтранслятараў для кіравання ўдарнымі дронамі, што павялічыла магчымасці расійскага войска наносіць удары па нашых паўночных абласцях — ад Кіеўшчыны да Валыні.
Частку ўдараў, сярод іншага па энергетычных аб'ектах і чыгунцы ў нашых рэгіёнах, расіяне не змаглі б нанесці без такой дапамогі Беларусі.
Больш за тры тысячы прадпрыемстваў Беларусі пастаўлены на службу расійскай вайне і пастаўляюць тэхніку, абсталяванне і кампаненты, якія аднесены да катэгорыі крытычна важных.
У прыватнасці, гэта і кампаненты для вытворчасці ракет, якія тэрарызуюць нашы гарады і вёскі.
Працягваецца і развіццё інфраструктуры для размяшчэння на тэрыторыі Беларусі ракет сярэдняй далёкасці — «Арэшніка», што з'яўляецца відавочнай пагрозай не толькі для ўкраінцаў, але і для ўсіх еўрапейцаў.
Аляксандр Лукашэнка не толькі даў тэрыторыю Беларусі для «Арэшніка». Летась прадпрыемствы краіны пастаўлялі Расіі крытычныя вузлы, кампаненты і механічную базу для гэтай зброі. Гэта працягваецца і ў 2026-м.
Аляксандр Лукашэнка ўжо даволі даўно абменьвае суверэнітэт Беларусі на працяг асабістай улады, дапамагае расейцам абыходзіць санкцыі свету за гэтую агрэсію, актыўна апраўдвае расійскую вайну, а цяпер яшчэ і павялічвае свой удзел у маштабаванні і зацягванні вайны.
За гэта будуць асаблівыя наступствы», — патлумачыў увядзенне санкцый прэзідэнт Украіны.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я17
Каментары