Беларускія літаратары сёння ў Дзень роднай мовы правядуць дыктоўкі

Лявон Вольскі правядзе Агульнанацыянальную дыктоўку да Дня роднай мовы ў эфіры «Белсат».

Дыктоўка пройдзе пасля выпуску «Раніцы з Белсатам» і жывых навін. Літаратар і рок-музыка будзе дыктаваць тэкст падчас спецыяльнай трансляцыі ў студыі. У жывым эфіры дыктоўку будуць пісаць таксама вядоўцы і госці «Раніцы».

Падчас спецыяльнай трансляцыі ў студыі «Белсату» Лявон Вольскі будзе дыктаваць тэкст.

У жывым эфіры дыктоўку будуць пісаць таксама вядоўцы і госці «Раніцы». Акрамя чытання тэксту, трансляцыя пакажа сам працэс: як удзельнікі пішуць, што адчуваюць, як праходзіць гэтая моўная падзея.

Бланкі можна спампаваць тут

Пачатак а 12:05 па беларускім часе.

У нядзелю ў прамым эфіры адбудзецца сімвалічны лёгкі разбор памылак і ўзнагароджанне найлепшых удзельнікаў. 

Максім Знак прачытае дыктоўку ў Еўрапейскім цэнтры Салідарнасці ў Гданьску

Павялічыць

У суботу ў Беластоку адбудзецца беларуская дыктоўка да Дня роднай мовы. Пачатак а 16:30 у Беларускім Хабе «Новая Зямля».

Дыктоўка будзе паводле эсэ Уладзіміра Арлова «Незалежнасць — гэта…», якое перакладзена больш чым на дваццаць пяць моў свету. Дыктуе сам аўтар. 

Павялічыць

Ва Уроцлаве адбудзецца сустрэча «Мовы нанова» да Дня роднай мовы. Сёлета дыктоўку правядзе Андрэй Хадановіч, паэт, перакладчык, літаратуразнаўца і выкладчык. Пітны мёд — таксама беларуская традыцыя! Таму далей святкаванне адбудзецца ў дэгустацыйным фармаце.

Вас чакае крыху гісторыі і дэгустацыя пітнога мёду з Уладзімірам Шымбарэвічам — знаўцам тэмы і, галоўнае, практыкам, які стварыў больш за 50 гатункаў напою. Гасцей просяць узяць з сабой кілішкі для гэтае справы.

«Будзе салодка, інтэлектуальна, утульна і па-беларуску», — запэўніваюць арганізатары.

Уваход — данаты на кампенсацыю выдаткаў. Рэгістрацыя па спасылцы.

У суботу ў Скарынаўскай бібліятэцы ў Лондане адзначаюць Дзень роднай мовы з пісьменнікам Альгердам Бахарэвічам і паэткай Юляй Цімафеевай. Уваход вольны, вітаюцца ахвяраванні англа-беларускаму таварыству. 

У Музеі Івана Луцкевіча ў Вільні сустрэчы з пісьменніцамі і праграма для дзяцей у межах адмысловага фэсту

Павялічыць

У суботу, 21 лютага, у Вільні ў Доме нацыянальных супольнасцей (Raugyklos, 25 (2 паверх) з 17:00 таксама адзначаюць Дзень роднай мовы.

У праграме:

Музычная частка: Юры Несцярэнка, капэла «Ойра» і спецыяльныя госці

Паэзія і культурніцкі актывізм: Павел Севярынец, Сяржук Сыс, Ванда Марцінш, Ігар Случак, Ілля Міронаў

Уваход вольны, данаты вітаюцца.

• 5
• 0
• 0
• 0
• 0
• 0
• 0
• 2