Пацверджаныя страты Расіі ў вайне супраць Украіны перавысілі 200 тысяч чалавек
Паводле падлікаў журналістаў Рускай службы Бі-бі-сі і выдання «Медыязона» на аснове адкрытых даных, пацверджаныя страты Расіі ў вайне супраць Украіны перавысілі 200 тысяч чалавек. За чатыры гады канфлікту загінулі як мінімум 200 186 расійскіх вайскоўцаў.
Найбольшая колькасць загінулых прыпадае на добраахвотнікаў — больш за 74 тысяч чалавек. Далей ідуць кантрактнікі, асуджаныя, мабілізаваныя, а ў частцы выпадкаў прыналежнасць да канкрэтнай катэгорыі ўстанавіць не ўдалося.
Больш за ўсё загінулых зафіксавана ў Башкартастане, Татарстане і Свярдлоўскай вобласці. Сярод рэгіёнаў з найбольшымі стратамі таксама Краснадарскі край і Чалябінская вобласць. У Маскве паказчык страт адзін з самых нізкіх у краіне. Найбольш высокія адносныя страты адзначаюцца ў Бураціі і Тыве.
Журналісты адзначаюць, што 2025 год стаў найбольш крывавым для расійскага войска. Хоць афіцыйна пацверджаная лічба загінулых у гэтым годзе ніжэйшая за папярэдні, агульная колькасць неапрацаваных звестак сведчыць, што выніковая лічба можа перавысіць 90 тысяч чалавек.
Паведамляецца таксама, што з пачатку ўварвання загінулі каля сямі тысяч расійскіх афіцэраў, у тым ліку 13 генералаў. Частка з іх была мэтанакіравана ліквідаваная ў Маскоўскім рэгіёне з канца 2024 года.
Міжнародныя арганізацыі і заходнія разведкі падаюць значна большыя ацэнкі агульных страт Расіі — да сотняў тысяч загінулых і больш за мільён параненых. Паводле некаторых звестак, у 2025 годзе штомесячна з поля бою выбывала каля 35 тысяч расійскіх вайскоўцаў. Таксама паведамляецца, што пасля пачатку новага года тэмпы папаўнення расійскай арміі кантрактнікамі могуць быць ніжэйшымі за ўзровень страт.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары