Прэм'ер-міністр Венгрыі Віктар Орбан у сацсетцы Х апублікаваў адкрыты ліст прэзідэнту Украіны Уладзіміру Зяленскаму. Орбан просіць спыніць антывенгерскія дзеянні.
«Спадар Прэзідэнт,
На працягу чатырох гадоў вы былі не ў стане прыняць пазіцыю суверэннага венгерскага ўрада і венгерскага народа адносна расійска-ўкраінскай вайны.
На працягу чатырох гадоў вы працавалі над тым, каб прымусіць Венгрыю ўступіць у вайну паміж вашай краінай і Расіяй. За гэты час вы атрымалі падтрымку з боку Бруселя і заручыліся падтрымкай венгерскай апазіцыі.
Мы таксама бачым, што вы, Брусель і венгерская апазіцыя каардынуеце намаганні, каб прывесці да ўлады ў Венгрыі праўкраінскі ўрад», — піша Орбан.
Ён кажа, што спыненне нафтаправода «Дружба», які мае вырашальнае значэнне для энергазабеспячэння Венгрыі, ставіць пад пагрозу энергазабеспячэнне венгерскіх сем'яў.
«Таму я заклікаю вас змяніць сваю антывенгерскую палітыку!
Мы, венгерскі народ, не нясём адказнасці за сітуацыю, у якой апынулася Украіна. Мы спачуваем украінскаму народу, але не жадаем удзельнічаць у вайне. Мы не хочам фінансаваць ваенныя намаганні і не хочам плаціць больш за энерганосьбіты», — піша Орбан.
Ён заклікаў неадкладна аднавіць працу нафтаправода.
«Больш павагі да Венгрыі!» — скончыў Орбан адкрыты ліст.
Паміж Украінай і Венгрыяй зноў абвастрыўся палітычны крызіс на фоне сітуацыі з нафтаправодам «Дружба», па якім Масква нанесла ўдар. Украіна заявіла, што трубаправод пашкоджаны, патрэбны рамонт і праверка бяспекі, таму транзіт цалкам прыпынены.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары
[Зрэдагавана]
Здаецца скінуць яго. Надта ўпоперак шагае.