Замест штрафу за самагон — крымінальная справа: на Случчыне жанчына распіхала хабар па кішэнях участковым пакуль яе здымалі на камеру
Спроба пазбегнуць адміністрацыйнай адказнасці за гандаль нелегальным алкаголем абярнулася для 52‑гадовай жыхаркі Слуцкага раёна куды больш сур'ёзнымі праблемамі з законам. Жанчына праігнаравала папярэджанні міліцыянераў і літаральна сілком уручыла ім грошы, што прывяло яе ў ізалятар.
Гісторыя пачалася з сігналу ў праваахоўныя органы: нехта паведаміў, што ў адным з мясцовых аграгарадкоў жанчына арганізавала кропку па продажы спіртнога проста ў сябе дома. Участковыя інспектары, якія прыбылі з праверкай па ўказаным адрасе, пацвердзілі інфармацыю і знайшлі нелегальны алкаголь.
Гаспадыні патлумачылі, што за незаконную прадпрымальніцкую дзейнасць ёй давядзецца адказаць паводле адміністрацыйнага кодэкса. Аднак перспектыва афіцыйнага разбіральніцтва жанчыну не задаволіла.
Каб замяць справу і пазбегнуць пратакола, парушальніца прапанавала кожнаму з міліцыянераў па 200 рублёў. Праваахоўнікі неаднаразова папярэдзілі гаспадыню, што прапанова грошай службовай асобе — гэта злачынства. Нягледзячы на гэта, жанчына вырашыла дзейнічаць настойліва: яна проста падышла і самастойна паклала купюры ва ўніформу інспектараў. Яна не ўлічыла адну дэталь — усе яе дзеянні бесперапынна запісваліся на нагрудную відэакамеру супрацоўніка міліцыі.
Фінал гісторыі аказаўся зусім не такі, на які разлічвала парушальніца. Яе затрымалі наўпрост ва ўласным доме.
Як пракаментаваў сітуацыю начальнік упраўлення аховы правапарадку і прафілактыкі УУС Мінскага аблвыканкама Анатоль Сушчэня, следчыя ўжо ўзбудзілі ў дачыненні да вяскоўкі крымінальную справу за дачу хабару. Цяпер замест звычайнага адміністрацыйнага штрафу за гандаль алкаголем жанчыне пагражае значна больш суровае крымінальнае пакаранне.
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары