Чарговы вывазны рэйс авіякампаніі «Белавія» прыбыў з Дубая ў Мінск увечары 4 сакавіка. Самалёт прызямліўся ў Нацыянальным аэрапорце Мінск каля 18:00 без затрымак.
Палёт выконваўся бяспечным маршрутам з улікам дзейных абмежаванняў у паветранай прасторы. На борце Airbus A 330‑200 знаходзіліся 283 пасажыры, у тым ліку двое немаўлят.
Гэта ўжо другі вывазны рэйс з ААЭ за суткі. Першы прыляцеў уначы і даставіў у Мінск не толькі беларусаў, але і грамадзян Расіі. Таксама запланаваныя дадатковыя рэйсы з Дубая ў Мінск.
Паводле ранейшай інфармацыі, у Аб’яднаных Арабскіх Эміратах знаходзіцца каля 2,5 тысячы арганізаваных беларускіх турыстаў. Складанасці з вяртаннем узніклі пасля закрыцця паветранай прасторы шэрагу краін рэгіёна праз ракетныя ўдары па Іране, што прымусіла авіякампаніі тэрмінова змяняць расклад і шукаць бяспечныя маршруты.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал11
Каментары