Міжнароднае энергетычнае агенцтва прапанавала грунтоўна залезці ў нафтавыя рэзервы
Міжнароднае энергетычнае агенцтва (МЭА) прапанавала вызваліць каля 400 мільёнаў бараляў нафты з рэзерваў краін Арганізацыі эканамічнага супрацоўніцтва і развіцця. Такая мера прапануецца з-за рэзкага росту цэн энерганосьбітаў, выкліканага вайной на Блізкім Усходзе і прыпыненнем паставак нафты праз Армузскі праліў. Калі рашэнне будзе прынята, гэта стане найбуйнейшым выкарыстаннем нафтавых рэзерваў у гісторыі арганізацыі, піша Bloomberg.
Міністр эканомікі і энергетыкі Германіі Катарына Райхе паведаміла, што яе краіна пачне выкарыстоўваць частку запасаў пасля афіцыйнага зацвярджэння прапановы. Пытанне таксама плануюць абмеркаваць на сустрэчы лідараў краін «Вялікай сямёркі». Японія ўжо заявіла, што пачне вызваляць нафту са сваіх стратэгічных запасаў з 16 сакавіка.
Усяго ў 32 краін — удзельніц агенцтва — захоўваецца больш за 1,2 мільярда бараляў нафты на выпадак надзвычайных сітуацый. Найбуйнейшае сховішча — стратэгічны нафтавы рэзерв ЗША, дзе знаходзіцца каля 415 мільёнаў бараляў. Акрамя таго, яшчэ прыкладна 600 мільёнаў бараляў прамысловых запасаў захоўваюцца ў рамках дзяржаўных абавязацельстваў. Паводле правіл, краіны павінны мець запасы, якіх хопіць як мінімум на 90 дзён.
Разам з тым некаторыя аналітыкі і трэйдары сумняваюцца, што гэтыя запасы змогуць хутка кампенсаваць магчымы дэфіцыт на рынку. Эксперты JPMorgan адзначаюць, што вызваленне такога аб’ёму дасць дадатковыя пастаўкі прыкладна 1,2 мільёна бараляў нафты на суткі, што можа аказацца недастатковым для поўнага пакрыцця магчымых страт паставак. Найбольшую частку гэтай нафты, паводле іх ацэнак, могуць забяспечыць Злучаныя Штаты.
ЗША знішчылі больш за дзясятак іранскіх вайсковых караблёў у Армузскім праліве, прызначаных для ўстаноўкі мін ВІДЭА
ЗША просяць Ізраіль спыніць удары па энергетычнай інфраструктуры Ірана. На гэта ёсць тры прычыны
ЗША абмяжуюць паслабленне нафтавых санкцый супраць Расіі пастаўкамі ў Індыю
«Самы інтэнсіўны дзень удараў». Пентагон анансаваў маштабную атаку па аб’ектах у Іране
Саудаўская Аравія і Кіеў рыхтуюць «гіганцкую дамову» на фоне іранскай пагрозы
Каментары