Міжнародны крымінальны суд пачаў расследаванне злачынстваў, здзейсненых рэжымам Лукашэнкі
Міжнародны крымінальны суд на сваім сайце змясціў паведамленне, што Офіс пракурора МКС пачаў расследаванне на зварот Літвы супраць рэжыму Лукашэнкі, «прыйшоўшы да высновы, што ёсць разумныя падставы меркаваць, што злачынствы паводле Рымскага статута былі здзейсненыя як мінімум часткова на тэрыторыі Літоўскай Рэспублікі».
Паведамляецца, што папярэдняе вывучэнне гэтай справы праводзілася з 30 верасня 2024. Літва звярнулася да Офіса пракурора МКС
«з просьбай расследаваць меркаваныя злачынствы супраць чалавечнасці, здзейсненыя ў Рэспубліцы Беларусь (якая не з’яўляецца дзяржавай-удзельніцай МКС), заяўляючы, што частка элементаў гэтых злачынстваў была здзейсненая на тэрыторыі Літвы, якая з’яўляецца дзяржавай-удзельніцай».
Паводле вердыкту Офіса:
«Ёсць аргументаваныя падставы меркаваць, што прымусовыя дзеянні, якія прывялі да дэпартацыі, уяўлялі сабой лінію паводзін супраць рэальных або ўяўных апанентаў урада Беларусі ў адпаведнасці з дзяржаўнай палітыкай або ў яе падтрымку. Офіс прыйшоў да высновы, што меркаваныя злачынствы, здзейсненыя ўладамі, заахвочваліся або ўхваляліся на самым высокім дзяржаўным узроўні.
Таксама ёсць аргументаваныя падставы меркаваць, што гэтыя злачынствы былі ўчыненыя як частка шырокамаштабных і сістэматычных атак на цывільнае насельніцтва, улічваючы іх маштаб, колькасць ахвяр і арганізаваны характар дзеянняў».
Як адзначаецца,
«новае расследаванне ўключае злачынствы супраць чалавечнасці, такія як дэпартацыя і пераслед праз дэпартацыю ў дачыненні да любой ідэнтыфікаванай групы ці супольнасці па палітычных матывах, якія, як сцвярджаецца, былі здзейсненыя беларускімі ўладамі».
Пуцін забараніў выконваць рашэнні міжнародных судоў
«Гэта не акт дабрыні, а чарговы інструмент рэпрэсій». Юрыст растлумачыў, чаму прымусовая дэпартацыя палітвязняў злачынства
Пракурора Міжнароднага крымінальнага суда абвінавацілі ў дамагальніцтвах, ён часова пакінуў пасаду
Венгрыя абвясціла пра выхад з юрысдыкцыі Міжнароднага крымінальнага суда
Трамп уводзіць санкцыі супраць Міжнароднага крымінальнага суда
Цяпер чытаюць
Мігранцкі крызіс, арганізаваны Лукашэнкам, — усё? Вось што паказваюць лічбы7
Каментары