ЗША за два тыдні ўдараў па Іране скарысталі запасы, разлічаныя на некалькі гадоў
Паводле інфармацыі выдання Financial Times, ЗША за першыя два тыдні удараў па Іране выкарысталі значную частку запасаў важных боепрыпасаў, якія першапачаткова былі разлічаныя на некалькі гадоў. Пра гэта паведамілі крыніцы, знаёмыя з сітуацыяй. Сярод іншага гаворка ідзе пра дальнабойныя ракеты «Тамагаўк».
Паводле падлікаў Цэнтра стратэгічных і міжнародных даследаванняў, толькі за першыя 100 гадзін баявых дзеянняў амерыканскія войскі выпусцілі 168 такіх ракет. Адзін з кангрэсменаў адзначыў, што гэта вельмі вялікая колькасць і на аднаўленне такіх запасаў могуць спатрэбіцца гады.
Чакаецца, што Пентагон у найбліжэйшыя дні звернецца ў Белы дом і Кангрэс з афіцыйнай просьбай выдзеліць дадатковае вайсковае фінансаванне ў памеры каля 50 мільярдаў даляраў.
Раней паведамлялася, што толькі за першыя шэсць дзён вайны з Іранам выдаткі ЗША склалі не менш за 11,3 мільярда даляраў. Гэтыя лічбы былі агучаныя на закрытым брыфінгу ў Кангрэсе.
У той жа час прэс-сакратарка Белага дома Кэралайн Левіт заявіла, што ў амерыканскіх узброеных сіл дастаткова зброі і боепрыпасаў, каб выканаць задачы аперацыі супраць Ірана, пастаўленыя прэзідэнтам Дональдам Трампам.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?7
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
Юра ( ...) Левітан пры Джугашвілі ( голас маю на ўвазе астатняе ..спіскаў хапае))
Враг будет разбіт победа будзе за намі