У Іране адсвяткавалі Дзень Аль-Кудс. На людзях з'явіўся і прэзідэнт ВІДЭА
13 сакавіка ў Іране святкавалі Дзень Аль-Кудс, то-бок «Дзень Іерусаліма». Ізраіль па сходах пад лозунгам «Смерць Ізраілю» не біў. Гэта дало магчымасць прэзідэнту Ірана з’явіцца на людзях.
Масуд Пезешкіян ідзе па вуліцы. Скрыншот з відэа
Дзень Аль-Кудс быў устаноўлены аяталой Хамейні ў 1979 годзе як дзяржаўны дзень салідарнасці з палесцінцамі.
Ён прыпадае на апошнюю пятніцу месяца Рамадан.
Цэнтральнай тэмай масавых мітынгаў у гэты дзень заўсёды было «смерць Ізраілю і Амерыцы».
Ізраіль, які два тыдні бесперашкодна наносіць удары па любых аб’ектах у Тэгеране, па дэманстрантах не біў. Гэта дало магчымасць выйсці на людзі прэзідэнту краіны Масуду Пезешкіяну і кіраўніку Рады бяспекі Алі Ларыджані.
Каментары