Мерц рэзка раскрытыкаваў рашэнне ЗША змякчыць санкцыі супраць расійскай нафты
Ён заявіў, што большасць краін G7 выступалі супраць такога кроку і лічаць яго памылковым.
Канцлер Германіі Фрыдрых Мерц раскрытыкаваў рашэнне ЗША часова аслабіць санкцыі супраць расійскай нафты, прынятае на фоне росту сусветных цэн з-за вайны на Блізкім Усходзе, піша Bild.
Падчас сустрэчы з прэм’ер-міністрам Нарвегіі Ёнасам Гарам Стэрам і кіраўніком урада Канады Маркам Карні ён заявіў, што большасць краін G7 выступалі супраць такога кроку і лічаць яго памылковым.
Паводле слоў Мерца, на відэаканферэнцыі лідараў G7 шэсць краін падтрымалі захаванне ціску на Маскву, аднак Вашынгтон прыняў іншае рашэнне. Канадскі прэм’ер таксама падкрэсліў, што Атава мае намер працягваць санкцыйную палітыку, уключаючы абмежаванні супраць так званага «ценявога флоту», які выкарыстоўваецца для перавозкі расійскай нафты.
Міністр абароны Германіі Борыс Пісторыус заявіў, што аслабленне санкцый можа павялічыць даходы Расіі ад экспарту сыравіны і тым самым узмацніць пагрозу для Украіны. Паводле яго слоў, саюзнікі чакалі ўзгодненых дзеянняў, аднак ЗША прынялі рашэнне самастойна, каб знізіць цэны на нафту на фоне ваеннага канфлікту з Іранам.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары