На электронным аўкцыёне выставілі на продаж прадстаўнічы седан Rolls-Royce Ghost. Пачатковая цана аўтамабіля складае 265 тысяч рублёў, што прыкладна адпавядае 92,5 тысячы даляраў, паведамляе abw.by.
Машыну выпусцілі ў 2012 годзе, а прадаецца яна як арыштаваная маёмасць. Уладальніцай аўтамабіля лічыцца кампанія «Тэхнаспецтрэйдынг», якая мае даўгі.
У апісанні пазначана, што працаздольнасць і поўная камплектацыя аўтамабіля не правяраліся. Акрамя таго, на яго накладзена забарона на рэгістрацыйныя дзеянні па рашэнні судовага выканаўцы.
Сам аўкцыён павінен адбыцца 7 красавіка.
Мадэль Rolls-Royce Ghost упершыню прадставілі ў 2009 годзе на аўтасалоне ў Жэневе. Аўтамабіль створаны на платформе BMW 7 Series. На момант выхаду гэта была самая магутная мадэль брэнда, пакуль у 2013 годзе не з’явілася купэ Wraith.
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары