Трамп: Калі НАТА адмовіцца дапамагаць з Армузскім пралівам, Альянс чакае «вельмі дрэнная будучыня»
«У нас ёсць такая рэч, як НАТА… Мы былі вельмі добрымі», — сказаў прэзідэнт ЗША.
Дональд Трамп сказаў, што НАТА чакае дрэнная будучыня, калі Альянс адмовіцца дапамагчы Вашынгтону гарантаваць бяспеку сітуацыі ў Армузскім праліве, пра гэта прэзідэнт ЗША заявіў у інтэрв'ю Financial Times.
Прэзідэнт ЗША таксама адзначыў, што ЗША не былі абавязаныя дапамагаць з Украінай.
«У нас ёсць такая рэч, як НАТА… Мы былі вельмі добрымі. Мы не мусілі дапамагаць ім (краінам ЕС) з Украінай. Украіна знаходзіцца за тысячы міль ад нас… Але мы дапамаглі ім. Цяпер паглядзім, ці дапамогуць яны нам. Бо я даўно казаў, што мы будзем побач з імі, але яны не будуць побач з намі. І я не ўпэўнены, што яны будуць побач», — сказаў ён.
Паводле слоў Трампа, Еўропа і Кітай атрымліваюць значную частку сваёй нафты праз Армузскі праліў, таму павінны далучыцца да падтрымання «парадку», бо самі з’яўляюцца бенефіцыярамі гэтага ключавога маршруту.
«Цалкам лагічна, што тыя, хто атрымлівае выгаду ад праліва, дапамогуць забяспечыць, каб там нічога дрэннага не адбылося», — дадаў ён.
Прэзідэнт ЗША заявіў у суботу, што многія краіны накіруюць ваенныя караблі, каб захаваць Армузскі праліў адкрытым.
Таксама Трамп сказаў, што Злучаныя Штаты цалкам перамаглі Іран у ваенным, эканамічным і іншых аспектах, але краіны свету павінны паклапаціцца пра бяспеку Армузскага праліва.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары
Разганяй трацкістау́ !