86‑гадовы мужчына забраў 250 тысяч рублёў у падманутай махлярамі мінчанкі
Спачатку мінчанцы патэлефанавалі нібыта з паліклінікі, падчас размовы прасілі назваць нумар медыцынскай страхоўкі.
Потым ілжэправаахоўнікі запужалі крымінальнай адказнасцю і пераканалі «дэклараваць» зберажэнні У выніку 31‑гадовая жанчына перадала кур’еру 250 тысяч рублёў, атрыманыя напярэдадні ад продажу кватэры, паведамляе прэс-служба МУС.
Пасыльным аказаўся 86‑гадовы пенсіянер, таксама абмануты аферыстамі. Спачатку ён аддаў махлярам больш за 20 тысяч рублёў, а потым пачаў збіраць грошы ў іншых пацярпелых.
Пажылому чалавеку забаранілі расказваць камусьці пра «ўдзел у спецаперацыі», таму ён перастаў адказваць нават на званкі дачкі. Менавіта яна і звярнулася ў міліцыю.
Калі аператыўнікі звязаліся з мужчынам, ён ехаў у Брэст па чарговым заданні куратара. Тады яму растлумачылі, што адбываецца насамрэч.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй40
Каментары